Kurdiska Socialdemokratiska föreningen i Göteborg

 

 

 

Bildades 1994

 

1994 دامەزراوە

 

چالاکیی پێشوو

 
>
 بانگه‌شه‌ له‌ته‌ک بازنه‌ی ئه‌نگرێد 25 ی ژانواری
کۆمیتەی کارگێڕی کۆمەڵەکەمان بانگهێشتی ئەندامان ئەکات بۆ کۆنگرەی ساڵانە.

  ڕۆژی یەکشەممە ڕێکەوتی ٢٣ ی فێبرواری ٢٠١٤. کاتژمێر ٣٠:١٣

  لە لۆکاڵی ئا بێ ئێف لە سپادەگاتانی ٩

  میوانی کۆنگرە عەلی موعینی ( سەرۆکی ئەنجومەنی ئەنگرێد)

نووسراوەکانی کۆنگرە:
  - پێشنیاری خاڵەکانی کۆبوونەوە
  - ڕاپۆرتی چالاکیەکان (بەکوردی)
  - ڕاپۆرتی چالاکیەکان (بە سویدی)
  - ڕاپۆرتی دارایی

 

 پارله‌مانتارانی سۆسیالدیموکرات سه‌باره‌ت به‌ تێرورکردنی کاوه‌ گه‌رمیانی


پارله‌مانتارانی سۆسیالدیموکرات ئه‌ننا لێنا سوێرنسۆن، شادیه‌ حه‌یده‌ری، ئاره‌ هه‌ماندکا، ڕۆزا گولجو هێدین وه‌ لارش یوهانسۆن له‌ نووسراوێکدا باس له‌ نیگه‌رانیی خۆیان ده‌که‌ن سه‌باره‌ت به‌ ڕه‌وشی ڕۆژنامه‌نووسان له‌پاش تێرۆرکردنی کاوه‌ گه‌رمیانی، وه‌ داوا له‌ ده‌سه‌لاتی کوردی ده‌که‌ن بۆ لێکۆڵینه‌وه‌ی جیددی سه‌ربه‌خۆی بێلایه‌ن. وه‌ راده‌ستکردنی تاوانباران به‌ دادگا.

 کلیک ێره‌ بکه‌ بۆ خوێننه‌وه‌ی نووسراوه‌که بە ئینگلیزی

 لینکی ڕۆژنامەی ئاوێنە کە نووسراوەکەی بڵاو کردۆتەوە

 





 

 

 

 تیرۆرکردنی ڕۆژنامه‌نوس کاوه‌ گه‌رمیانی مه‌حکوم ئه‌که‌ین

ڕێکه‌وتی 5 ی دیسه‌مبه‌ری 2013 له‌ شاری که‌لار، ڕۆژنامه‌نوس کاوه‌ ئه‌حمه‌د گه‌رمیانی، له‌به‌رده‌م ماڵی خۆیدا به‌ده‌ستی کۆمه‌ڵێک چه‌کدار تێرۆرکرا. مه‌به‌ستی کاره‌که‌ بێده‌نگکردنی پێنووسه‌ ڕه‌خنه‌ئامێزه‌که‌ی کاکه‌ کاوه‌بوو، واته‌ پێشێلکردنی ئازادی ده‌ربڕین و نووسین و بڵاوکردنه‌وه‌بوو.

ئازادی ڕاده‌ڕبڕین بناغه‌ی سیسته‌می دیموکراتییه‌، وه‌ یه‌کێکه‌ له‌ پایه‌سه‌ره‌کیه‌کانی به‌هاکانمان، بۆیه‌ ئێمه‌ له‌کۆمه‌ڵه‌ی سۆسیالدیموکراتی کوردی له‌ یۆته‌بۆری نه‌فره‌ت له‌م کاره‌ قێزه‌وه‌نه‌ ده‌که‌ین و مه‌حکومی ئه‌که‌ین. هه‌روه‌ها ده‌نگمان ده‌خه‌ینه‌ پاڵ ئه‌و ده‌نگانه‌ی که‌ داخوازی له ده‌سه‌ڵاتی کوردی ده‌که‌ن‌ بکه‌رانی ئه‌م کاره‌ ده‌ستگیربکات و دادگایی بکرێن.
کۆمه‌ڵه‌ی سۆسیالدیموکراتی کوردی له‌ یۆته‌بۆری
14 ی دیسه‌مبه‌ری 2013
 

 کۆبوونه‌وه‌ی ئه‌ندامان 2 ی نۆڤه‌مبه‌ر 2013

 
کۆمه‌ڵه‌که‌مان له‌ ڕۆژی شه‌ممه‌ ڕێکه‌وتی 2 ی نۆڤه‌مبه‌ردا کۆبوونه‌وه‌یه‌کی بۆ ئه‌ندامان سازکرد. بابه‌تی کۆبوونه‌وه‌که‌ ئاماده‌کردنی لیسته‌ی پێشنیاری کاندیده‌کانی کۆمه‌له‌که‌مان بوو بۆ پارله‌مان، ئه‌نجومه‌نی هه‌رێم و شاره‌وانی، وه‌ سه‌رۆکایه‌تیی ئه‌نجومه‌نی گه‌ڕه‌ک. چه‌ند ئه‌ندامێ پۆستی ئه‌نجومه‌نیان هه‌یه‌ باسی ئه‌زموونی خۆیان کرد سه‌باره‌ت چۆنیه‌تیی کارکردن له‌ ئه‌نجه‌مه‌ندا، وه‌ ئه‌رک و بارپرسیارێتی. لیسته‌ی پێشنایرکراوی کاندیده‌کان له‌لایه‌ن کۆبوونه‌وه‌که‌وه‌ ئاماده‌کرا. کۆمیته‌ی کارگێڕ پێداچوونه‌وه‌ ئه‌کات پێش ناردنی بۆ سه‌رۆکایه‌تیی حیزب له‌ ناوچه‌ی یۆته‌بۆری. 17 ئه‌ندام ئاماده‌ی کۆبوونه‌وه‌که‌ بوون که‌ له‌ ساڵۆنی ئا بێ ئێف سازکرا له‌نێوان کاتژمێر 14 و 16 دا.

 ئاهه‌نگی ئه‌ندامان 21 ی سێپته‌مبه‌ر


کۆمه‌ڵه‌که‌مان ئاهه‌نگێکی خێزانیی بۆ ئه‌دامان و خێزانه‌کانیان ساز کرد له‌ ڕۆژی شه‌ممه‌ ڕێکه‌وتی 21 ی سێپته‌مبه‌ر. هه‌روه‌ها چه‌ند میوانێکیش بانگهێشتکران.
پاش وتاری به‌خێرهاتنی سه‌رۆکی کۆمه‌ڵه‌که‌ به‌ڕێز ڕێگر دۆسکی، ئاهه‌نگه‌که‌ ده‌ستیپێکرد. له‌ بڕگه‌ی پێشبڕکێدا، کۆمه‌ڵێک  پرسیار له‌ 3 به‌شداربوو کرا. پرسیاره‌کان زانیاریی گشتی بوو ده‌رباره‌ی حیزب، شاری یۆته‌بۆری، سوید وه‌ کوردستان.
ۆمه‌ڵیک وێنه‌ نیشاندران که‌ باس بوو له‌ چالاکییه‌کانی ڕابووردووی کۆمه‌ڵه‌که‌مان. کۆمه‌ڵه‌که‌مان میوانداری خواردن و خواردنه‌وه‌ی به‌شداربووان کرد. ئاهه‌نگه‌که‌ به‌ مۆسیقا و سه‌ما به‌رده‌وام بوو تا کاتژمێر 22.30. ئاهه‌نگه‌که‌ له‌ ساڵۆنی فۆلکێتس هیوسی هاممه‌رکولله‌ ساز کرا وه‌ 70 که‌س به‌شدار بوو.

 

 کۆبوونه‌وه‌ی ئه‌ندامان شه‌ممه‌ 11 مای 2013

کۆمه‌ڵه‌که‌مان کۆبوونه‌وه‌یه‌کی ئه‌ندامانی به‌ست له‌ڕۆژی شه‌ممه‌ ڕێکه‌وتی 11 مایدا. بابه‌تی کۆبوونه‌وه‌که‌ بریتییبوو له‌ " ئایدۆلۆژیی سۆسیالدیموکراتی" که‌ له‌لایه‌ن کامیل شامحمده‌وه‌ پێشکه‌شکرا. سه‌رۆکی کۆبوونه‌وه‌که‌ ڕێگر دۆسکی ڕاپۆرتیكی ده‌رباره‌ی کۆنگره‌ی حیزب دا، وه‌ چالاکیه‌کانمان، هه‌روه‌ها هه‌لو مه‌رجی هه‌ڵبژاردنی عمر موسته‌فا بۆ سه‌رکردایه‌تیی حیزب و دواییتر وازهێنانی. چه‌ند خاڵێکی تر له‌ کۆبوونه‌وه‌دا وتووێژی له‌سه‌ر کرا، وه‌ک باسی ئه‌و نامه‌یه‌ی که‌ کۆمه‌ڵه‌که‌مان بۆ ئه‌نجومه‌نی کۆمه‌ڵه‌ کوردیه‌کان ناردبووی سه‌باره‌ت یادکردنه‌وه‌ی ڕۆژی کاره‌ساتی هه‌ڵه‌بجه‌.
کۆبوونه‌وه‌که‌ له‌ هۆڵی ئا بێ ئێف له‌ سپاده‌گاتانی 9 به‌سترا له‌ کاتژمێر 14 تا 16.30. 26 ئه‌ندام ئاماده‌ بوون. کۆمه‌ڵه‌ میوانداریی ئه‌ندامانی کرد به‌ خواردن له‌ ڕێستۆرانتێکی کوردی.
 

 1  ی مای 2013

ژماره‌یه‌ک له‌ ئه‌ندامانی کۆمه‌ڵه‌که‌مان، هه‌روه‌ها ژماره‌یه‌کی کورد له‌‌ په‌یوه‌ندیدارلایه‌نگریی حیزب به‌شداریان له‌ ڕێپێوانی 1 مای ساری یۆته‌بۆری کترد که‌ له‌لایه‌ن حیزب سه‌ندیکاوه‌ ڕێکخرابوو. زیاتر له‌ 6000 که‌س به‌شداریی ئه‌م چالاکیه‌ی کرد، وه‌ به‌ڕیز یوهان لیندهۆلم سه‌رۆکی سه‌ندیکای بیناسازی وتاربێژی ئه‌مساڵ بوو.

 سه‌ردانی ی ن ک

گروپێکی کۆمه‌له‌که‌مان سه‌ردانێکی هاوڕێیانی یه‌کێتیی نیشتمانیی کوردستان / که‌رتی یۆته‌بۆریی کرد له‌ ڕۆژی سه‌ممه‌ ڕێکاوتی 27 نیساندا. هاوڕێیانی ی ن ک پێشوازیی گه‌رمی له‌ هاوڕێیانمان کرد، وه‌ دانیشتن و وتووێژێکیان سه‌باره‌ت ڕه‌وشی هه‌ردوو حیزب و ڕێکخراوه‌کان کرد. ی ن ک حیزبی ده‌سته‌خوشکی سۆسیالدیموکراته‌ له‌ ناو ڕێکخراوی سۆسیالیست ئینته‌رناشنالدا. هه‌روه‌ها له‌ دانیشتنه‌که‌دا باسی هه‌لومه‌رجی پلانی کاری هاوبه‌ش له‌ داهاتوودا تاووتوێکرا.

 کۆنگره‌ی ساڵانه‌ی کۆمه‌ڵه‌ 23 ی فێبرواری

کۆمه‌ڵه‌که‌مان له‌ڕۆژی شه‌ممه‌ ڕێکه‌وتی 23 ی فێبرواری 2013 دا کۆنگره‌ی ساڵانه‌ی ئاسایی خۆی به‌ست له‌ هۆڵی ئا بێ ئێف له‌ کاتژمێر دووی پاشنیوه‌ڕۆ. نماینده‌ی پارته‌ کوردیه‌کان ( حیزبی دیموکراتی کوردستان، کۆمه‌ڵه‌ی شۆڕشگێڕی زه‌حمه‌تکێشانی کوردستان، حیزبی دیموکراتی کوردستانی ئێران، بزووتنه‌وه‌ی گۆڕان، یه‌کێتیی نیشتمانیی کوردستان، پارتی دیموکراتی کوردستان و ڕێکخراوی یارسه‌نه‌کان) ئاماده‌بوون.
هه‌روه‌ها به‌ڕێز خاتو لێنا مالم (سه‌رۆکی ئه‌نجومه‌نی شاره‌وانیی یۆته‌بۆری) به‌شداریی کۆبوونه‌وه‌که‌ی کردبه‌ دوو بابه‌ت. یه‌که‌میان له‌سه‌ر دانانی باجی ئۆتۆمبێل بۆ ناو شاری یۆته‌بۆری. لێنا باسی له‌ گرنگیی ئه‌و باجه‌ کرد له‌ چه‌ند ڕوویه‌که‌وه‌. که‌مکردنه‌وه‌ی ژماره‌ی ئۆتۆمبێل، کاریگه‌ری پۆزه‌تیڤی ده‌بێت له‌سه‌ر ژینگه‌ی شار، خێرایی گه‌یشتنو هاتووچۆ وه‌ هه‌روه‌ها دارایی ئه‌و باجه‌ بۆ په‌ره‌پێدانی ژێرخانی شاره‌که‌. بابه‌تی دووه‌م له‌سه‌ر کۆنگره‌ی پارتیه‌ که‌ له‌ 3 تا 7 ی ئه‌پریل له‌ یۆته‌بۆری ده‌به‌سترێ. له‌ کۆنگره‌دا به‌فه‌رمی ستێفان لۆڤێن هه‌ڵئه‌بژێردرێ به‌ سه‌رۆکی حیزب. هه‌روه‌ها لێنا که‌ خۆی ئه‌ندامێکی کۆنگره‌ ده‌بێ باسی له‌وه‌ کرد که‌ چاوه‌ڕوان ده‌کرێ که‌ دۆزی فه‌له‌ستین به‌ تایبه‌ت باسب‌کرێ.
له‌ بڕگه‌ی دووه‌می کۆبوونه‌وه‌که‌دا، خاڵه‌ ئاساییه‌کانی کۆبوونه‌وه‌که‌ تاووتوێکرا. ڕاپۆرتی چالاکییه‌کان که‌ به‌ کوردی و سویدی ئاماده‌کرابوو دوای پێداچوونه‌وه‌ په‌سه‌ندکرا. هه‌روه‌ها ڕاپۆرتی دارایی. کۆنگره‌ بڕیاری ڕووسپیکردنی کۆمیته‌ی کارگێڕی دا، به‌ پێی پێشنیاری چاودێره‌کان.
له‌ خاڵی هه‌ڵبژاردندا، کۆنگره‌ به‌ڕێز ڕێگر دۆسکی ی هه‌ڵبژارد وه‌ک سه‌رۆکی کۆمه‌ڵه‌که بۆ ماوه‌ی دوو ساڵ. هه‌روه‌ها ئه‌ندامانی تری کۆمیته‌ هه‌ڵبژێردران به‌ پێی پێشنیاری ده‌سته‌ی هه‌ڵبژاردن.
‌دوو پرس له‌ کۆنگره‌دا وروژێنرا. یه‌که‌میان که‌سێک که‌ نامه‌ی ناردووه‌ بۆ کۆمه‌ڵه‌که‌مان وه‌ داوای کۆمه‌کی کۆمه‌ڵه‌که‌مانی کردووه‌ له‌ مه‌سه‌له‌ی دامه‌زراندنیدا. ئه‌و به‌ڕێزه‌ له‌ ماوه‌یه‌کی درێژدا به‌ شێوه‌یه‌کی کاتی کاری کردووه‌، به‌ڵام کاتێ که‌ ماوه‌ی یاسایی دامه‌زراندنی هه‌میشه‌یی نزیک ده‌بێته‌وه‌، خاوه‌کار ده‌ستبه‌رداری بووه‌. کۆنگره‌ بڕیاری دا که‌ کۆمه‌کی بکات، وه‌ خستیه‌ سه‌ر ئه‌رکی کۆمیته‌ی هه‌ڵبژێردراوی نوێ.
دووه‌میان پێشنیارێک بوو بۆ دروستکردنی گروپێک له‌ ئه‌ندامانی کۆنی خاوه‌ن ئه‌زموون، وه‌ک ده‌سته‌یه‌کی ڕاوێژکه‌ر پێشنیار بۆ کۆمیته‌ی کارگێڕ ئاماده‌ بکه‌ن، له‌ کاتی ڕووداوی کتوپڕله‌ کوردستان، به‌ جۆرێ که‌ کارو بڕیاره‌کان له‌ ته‌ک سیاسه‌تی حیزبدا بگونجێ.
34 ئه‌ندام ئاماده‌ی کۆبوونه‌وه‌که‌ بوون
نووسراوه‌کانی کۆنگره‌:
   - پێشنیاری خاڵه‌کانی کۆبوونه‌وه‌که
   - ڕاپۆرتی چالاکییه‌کانی 2012 (کوردی)
   - ڕاپۆرتی چالاکییه‌نی 2012 (سویدی)
   - ڕاپۆرتی دارایی

 

 جه‌ژنی کریسمس 22 دیسه‌مبه‌ر 2012

ئه‌ندامانی کۆمه‌ڵه‌که‌مان کۆتاییان به‌ چالاکیی ساڵی 2012 هێنا به‌ خوانێکی کریسمس له‌ چێشتخانه‌یه‌کی کوردی له‌ ڕۆژی شه‌ممه‌ ڕێکه‌وتی 22 ی دیسه‌مبه‌ری 2012. کۆمه‌ڵێک ئه‌ندام خۆیان و خێزانه‌کانیان به‌شداری ئه‌م بۆنه‌یه‌یان کرد که‌ له‌ که‌شێکی شادو هاوڕێیانه‌دا کۆبوونه‌وه‌.

 

 

 

 

 

  کۆبوونه‌وه‌ی ئه‌ندامان شه‌ممه‌ 17 ی نۆڤه‌مبه‌ر 2012

ڕۆژی شه‌ممه‌ ڕێکه‌وتی 17 ی نۆڤه‌مبه‌ری 2012 کۆبوونه‌وه‌یه‌کی ئه‌ندامانی کۆمه‌ڵه‌که‌مان به‌سترا به‌ ئاماده‌بوونی 22 ئه‌ندام، له‌ لۆکاڵی ABF له‌ ئه‌نگرێد.
له‌ بڕگه‌ی یه‌که‌می کۆبوونه‌وه‌که‌دا،  ڕاپۆرتی دارایی له‌لایه‌ن به‌ڕێز
مسته‌فا کۆکۆیی به‌رپرسی دارایی، و ڕاپۆرتی چالاکیه‌کان هه‌ر له‌ ڕۆژی کۆنگره‌وه‌ تا ئه‌مڕۆ له‌لایه‌ن سه‌رۆکی کۆمه‌ڵه‌که‌مان به‌ڕێز نه‌جاته‌وه‌ به‌ شێوه‌ی نیشاندانی وێنه‌ له‌سه‌ر شاشه‌ پێشکه‌شکرا.

له‌ بڕگه‌ی دووه‌می کۆبوونه‌وه‌که‌دا میوانی کۆبوونه‌وه‌که‌، کارمه‌ندی به‌شی ناوچه‌ی یۆته‌بۆریی حیزب، به‌ڕێز کارینا ڕینگ باسێکی سه‌باره‌ت به‌ " یه‌کسانی جه‌نده‌ر و هاوجۆری" پێشکه‌شکرد. باسه‌که‌ سه‌رنجڕاکێش بوو، چه‌ند پرسیار و ڕاهێنانی تیابوو که‌ بیرو سه‌رنجی ئاماده‌بووانی بزاواند.

له‌ بڕگه‌ی کۆتایی کۆبوونه‌وه‌که‌دا، به‌ڕێز شادیه‌ حه‌یده‌ری ڕاپۆرتێکی پێشکه‌شکرد ده‌رباره‌ی ڕه‌وشی حیزبمان، وه‌ باسێکی کورتیکرد سه‌باره‌ت هێڵه‌ درشته‌کانی بودجه‌ی پێشنیارکراوی حیزب.

هه‌روه‌ها شادیه‌ هاته‌ سه‌ر باسی مه‌سه‌له‌ی ئه‌نفال که‌ له‌م ڕۆژانه‌دا زۆر باسکراوه‌و، له‌ پارله‌مانی سویددا کراوه‌ته‌وه‌ بۆ گه‌یشتن به‌ ئه‌نجامێک. شادیه‌ باسی ئه‌وه‌یکرد که‌ له‌ پاش ئه‌و سه‌ردانه‌ی که‌ کردی بۆ باشووری کوردستان له‌ به‌هاری ئه‌مساڵدا،  له‌ته‌ک هه‌شت ئه‌ندام پارله‌مانی تردا، به‌ڵێنی داوه‌ که‌ ئه‌بێ پێشنیارێک بنووسێ بۆ پارله‌مان ده‌رباره‌ی ئه‌نفال. له‌ سه‌ره‌تای ئۆکتۆبه‌رداپێشنیارێکی نووسراو له‌لایه‌ن شادیه‌وه‌، به‌ پشتگیریکردن و ئیمزای 4 ئه‌ندام پارله‌مانی تری سۆسیالدیموکرات درا به‌ پارله‌مانی سوید. له‌ هه‌مان کاتدا  ئه‌ندام پارله‌مانی پارتی ژینگه‌و پارتی جه‌پیش پێشنیاریان بۆ هه‌مان مه‌به‌ست داوه‌ به‌ پارله‌مان‌. له‌  پێشنیاره‌کاندا داوا کراوه‌ که‌ وڵاتی سوید به‌ فه‌رمی دانبنێ به‌ هێرشه‌کانی ئه‌نفالی ڕژێمی فاشیی عێراق دژی کورد له‌ 1988 دا وه‌ک جینۆساید.

ئه‌وه‌ی تا ئیمڕۆ ئاگادارین به‌ پێی شادیه،‌ لێژنه‌ی کا‌روباری ده‌ره‌وه‌ی پارله‌مان، که‌ ئه‌رکی خۆێندنه‌وه‌و ئاماده‌کردنی نووسراوی پێشناری له‌ ئه‌ستۆدایه‌، کۆبووه‌ته‌وه‌، گه‌یشتوونه‌ته‌ ئه‌نجامێک. به‌ڵام‌ ئه‌نجامی ئه‌و نووسراوه‌ به‌ فه‌رمی بڵاو نه‌کراوه‌ته‌وه‌. به‌ بڕوای شادیه‌ شتێکی سه‌مه‌ره‌یه‌، که‌ هه‌ندێ که‌س یان میدیای کوردی، باس له‌ ئه‌نجامه‌که‌ی ئه‌کات و به‌ شان و باڵی که‌ساندا هه‌ڵئه‌ده‌ن بێ ئه‌وه‌ی هێشتا که‌ نووسراوه‌که‌ هاتبێته‌ ده‌ره‌وه‌. شادیه‌ پێی وایه‌ که‌ که‌ ئه‌بێ ئێمه‌ دان به‌خۆمانمدا بگرین، وه‌ خۆشیی سه‌رکه‌وتن نه‌کرێ، تا ئه‌نجامی به‌ته‌واوه‌تی ده‌رئه‌که‌وێت.

 دوای کۆبوونه‌وه‌که‌ ئه‌ندامانی ئاماده‌بووان خواردنی ئێواره‌یان به‌ هاوبه‌شی خوارد له‌ چێشتخانه‌یه‌کی کوردی، که‌ ئه‌که‌وێته‌ نزیک هۆڵی کۆبوونه‌وه‌که‌وه،  له‌سه‌ر حیسابی کۆمه‌ڵه‌که‌مان.

 پێشنیارێک بۆ پارله‌مان سه‌باره‌ت به‌ ئه‌نفال

له‌سه‌ره‌تای مانگی ئۆکتۆبه‌ردا پێنج ئه‌ندام پارله‌مانی سۆسیالدیموکرات پێشنیارێکیان بۆ پارله‌مانی سوید به‌رزکرده‌وه‌، تیایدا پێشنیارده‌که‌ن وڵاتی سوید، ‌‌ هێرشی ئه‌نفالکردنی ساڵی 1988 که‌ ڕژێمی فاشیی عێراق کردی دژی کورد به‌رپایکرد، وه‌ تیایدا زیاتر له‌ 5000 شارۆچکه‌و دێهات وێرانکراو 180000 که‌س بوونه‌ قوربانی وه‌ک جینۆساید بناسرێ.

پێشنیاره‌که‌ له‌ لایه‌ن هاوڕێمان به‌ڕێز شادیه‌ وه‌ چوار ئه‌ندام پارله‌مانتاری سۆسیالدیموکراته‌وه‌ نووسراوه‌

 شایانی باسه‌، له‌ هه‌مان کاتدا پارله‌مانتاری پارتی ژینگه‌و پارتی چه‌پیش پێشنیاریان بۆ هه‌مان مه‌به‌ست بۆ پارله‌مان به‌رزکرده‌وه‌. ده‌ستخۆشی له‌ و به‌ڕێزانه‌ش ئه‌که‌ین.
 14 ی نۆڤه‌مبه‌ر 2012

 کۆڕێک بۆ ئه‌حمه‌د سالار 4 نۆڤه‌مبه‌ر 2012

ڕۆژی یه‌کشه‌ممه‌ ڕێکه‌وتی 4 ی نۆڤه‌مبه‌ری 2012، کۆمه‌له‌که‌مان به‌ هاوکاری پێنج کۆمه‌ڵه‌ی کوردی کۆڕێکی ساز کرد بۆ شاسواری شاسواری شانۆی کوردی به‌ڕیز " ئه‌حمه‌د سالار" له‌ هۆڵی ماڵی ڕۆشنبیریی عێراقی. ئه‌حمه‌د سالار پتر له‌ چل ساڵ خه‌ریکی ده‌وله‌مه‌ندکردنی سانۆی کوردی بووه‌و به‌ جێده‌ستی هه‌بووه‌ له‌ چه‌نده‌ها کاری دراما و سانۆیی کوردیدا هه‌ر له‌ کۆتایی شه‌سته‌کانه‌وه‌ تا ئێمڕۆ. ڕۆڵی وه‌ک به‌رهه‌مهێنه‌ر، ده‌رهێنان، نووسین، ئه‌کته‌ر وه‌ ڕۆڵی تری هه‌بووه‌. هه‌روه‌ها له‌ په‌یمانگاو دانیشگا هونه‌ریه‌کاندا، چه‌نده‌ها که‌سایه‌تی و هونه‌رمه‌ندی پێگه‌یاندووه‌.

سالار له‌ کۆره‌که‌دا زۆر باسی ووروژاند ده‌رباره‌ی ڕه‌وشی شانۆو درامای کوردی تا ئه‌مڕۆ. هه‌روه‌ها ئه‌و ڕه‌هه‌ندانه‌ی له‌به‌رده‌میدان. له‌ کۆڕه‌که‌دا به‌شێک له‌ دوا به‌رهه‌می به‌ فیلم نیشاندرا، که‌ بریتیبوو له‌ له‌ شانۆیی "چیرۆکه‌ به‌رده‌وامه‌که‌"، که‌ له‌ فیستڤاڵێکدا نمایشکراوه‌و، خه‌ڵاتی وه‌رگرتووه‌.

بڕگه‌یه‌کی کۆره‌که‌ بریتییبوو له‌ ڕێزلێنان له‌ مامۆستا سالار له‌ لایه‌ن ڕێکخراوی "له‌پزێڕین"ه‌ وه‌ به‌ هه‌ڵگرتنی جێده‌ستی له‌ ڕه‌نگی زێڕ، به‌مه‌بستی مانه‌وه‌ی جێده‌ستی ئه‌و که‌سایه‌تیانه‌ی که‌ له‌ مێژووی گه‌له‌که‌ماندا له‌ بواری خۆیاندا خزمه‌تی کوردیان کردووه‌.

نزیکه‌ی 100 که‌س ئاماده‌ی ئه‌م ئێواره‌کۆره‌بون، که‌ له‌ لایه‌ن به‌ڕیز میران کامه‌لا وه‌ به‌ڕێوه‌برا.

 ڕه‌وشی ڕۆژئاوای کوردستان و شۆڕشی سوریا


شۆڕشی سوریا وه‌ک درێژه‌پێدانی به‌هاری عه‌ره‌بی 18 مانگی تێپه‌ڕاند. سه‌ره‌تا له‌ مانگی مارسی 2011 دا به‌ خۆپیشاندانی ئاشتیانه‌ ده‌ستیپێکرد، له‌ هه‌ندێ شاردا، وه‌ به‌تایبه‌تی له‌ ناوچه‌ هه‌ژاره‌کاندا. له‌ ماوه‌یه‌کی که‌مدا وه‌ک ئاگر ته‌شه‌نه‌ی کردو تێکڕای وڵاتی گرته‌وه‌. هێزه‌کانی سوریا به‌ئاگر و ه‌لامیان دانه‌وه‌. تا ئێستا 20 هه‌زار کوژراون، به‌ ده‌یان هه‌زار که‌س گیراوه‌، وه‌ وێرانیه‌کی مه‌زنی له‌ تێکڕای وڵاته‌که‌دا، له‌ خانووبه‌ره‌و سامان و کارگه‌و ده‌زگای ده‌وڵه‌تیی ئه‌نجامداوه‌.

ماوه‌ی چه‌ند مانگێکه، دوای هه‌ڵهاتنی چه‌نده‌ها سه‌ربازو ئه‌فسه‌ری سوپا، سوپای ئازادیان دروستکرد بۆ به‌ره‌نگاربوونه‌وه‌ی هێزی دیکتاتۆر، وه‌‌ شۆڕشه‌که‌ چووه‌ قۆناغی چه‌کداریه‌وه‌.‌ نزیکه‌ی نیو ملیۆن ئاواره‌ی ئۆردوگاکانی تورکیا، لوبنان، ئه‌رده‌ن وه‌ عێراق بوون. له‌ ناو وڵاتیشدا پتر له‌ 1 ملیۆن که‌س ئاواره‌یه‌. ئه‌م شۆڕشه‌ ناوچه‌ کوردیه‌کانیشی گرته‌وه‌. حیزبه‌ کورده‌کان کاری خۆیان ئه‌که‌ن له‌ هاوکێشه‌ سیاسیه‌که‌ی وڵاتدا.

بۆ تێگه‌یشتن له‌ شۆڕشه‌که‌، کۆمه‌ڵه‌ی سۆسیالدیموکراتی کوردی له‌ یۆته‌بۆری سیمینارێکی سازکرد بۆ به‌ڕیز ئه‌حمه‌د چه‌تۆ (ئه‌ندامی سه‌رکردایه‌تیی پارتی یه‌کێتیی دیموکراتیی کوردی له‌ سوریا). سیمیناره‌که‌ به‌ هاوکاری کۆمیته‌ی هێزه‌ سیاسییه‌ کوردو کوردستانیه‌کا‌ن له‌ شاری یۆته‌بۆری به‌ڕێوه‌ چوو، له‌ ڕۆژی شه‌ممه‌ ڕێکه‌وتی 15 ی سێپته‌مبه‌ر. له‌ سیمیناره‌که‌دا باسێکی پێشکه‌شکرد ده‌رباره‌ی " ڕه‌وشی ڕۆژئاوای کوردستان و شۆڕشی سوریا".

پتر له‌ 50 که‌س ئاماده‌ی ئه‌م سیمیناره بوو، که‌‌ به‌ڕیز ڕێگر دۆسکی به‌ڕێوه‌ی برد. سیمیناره‌که‌ له‌ هۆڵی ABF له‌ سپاده‌گاتانی 9 کرا به‌ هاوکاریی ABF ی یۆته‌بۆری.‌

 

 سه‌ردانی حیزبی دێموکراتی کوردستانی ئێران (حدکا)

گروپێکی ئه‌نده‌مانی کۆمه‌ڵه‌که‌مان سه‌ردانێکی هاوڕێیانی کۆمیته‌ی یۆته‌بۆریی حیزبی دیموکراتی کوردستانی ئیرانی (حدکا) کرد له‌ ڕۆژی یه‌کشه‌ممه‌ ڕێکه‌وتی 9 ی سێپته‌مبه‌ری 2012.

گروپه‌که‌ له‌لایه‌ن ئه‌ندامانی کۆمیته‌که‌وه‌ پێشوازیکران.  له‌‌ گفتوگۆیه‌کیی هاوڕێیانه‌دا کۆمه‌ڵێ باسی گرینگ تاووتوێکرا، وه‌ ڕه‌وشی دۆزی کوردی به‌گشتی وه‌ له‌ شاره‌که‌ماندا به‌تایبه‌تی باسکرا. حدکا که‌ ئه‌ندامی سۆسیالیست ئینته‌رناشناله‌، به‌ حیزبی ده‌سته‌خوشکی سۆسیالدیموکراته‌کان دائه‌نری. له‌ دانیشتنه‌که‌دا دوای گۆڕینه‌وه‌ی بیروڕا، ژماره‌یه‌ک له‌ پێشنیار بۆ کاری هاوبه‌ش هاته‌ پێش که‌ هه‌ردوولا به‌ چاکیان زانی له‌ ناو ڕێکخراویاندا وه‌ک پلان دابڕێژر‌ێ. له‌ کۆتاییدا گروپه‌که‌مان سوپاسی کۆمیته‌ی کرد بۆ پێشوازیه‌که‌یان، وه‌ ئه‌وانیش هیواداربوون که‌ ئه‌و به‌سه‌رکردنه‌وه‌یه‌ دووباره‌ بکرێته‌وه‌.

 

 عارف روشدی (ی ن ک) 20 ئایار 2012

کۆمه‌ڵه‌که‌مان هاوکاریی کرد له‌ته‌ک سه‌نته‌ری خۆگونجاندنی کوردان و کۆمه‌ڵه‌ی بێستون له‌ سازکردنی سیمینارێک بۆ به‌ڕێز عارف روشدی (ئه‌ندامی سه‌رکردایه‌تیی ی ن ک) له‌ ڕۆژی یه‌کشه‌ممه‌ ڕێکه‌وتی 20 ی ئایاری 2012 له‌ هۆڵی ئا بێ ئێف له‌ ئانگرێد. سه‌ره‌تا به‌ر له‌ ده‌ستپێکردنی سیمیناره‌که‌ کاک عارف پێشانگایه‌کی هونه‌ریی کرده‌وه‌ که‌ له‌لایه‌ن هونه‌رمه‌ندی شێوه‌کار ئه‌حمه‌د نامۆوه‌ ئاماده‌کرابوو. پێشانگاکه‌ له‌باره‌ی ئه‌و کارانه‌وه‌ بوو که‌ هونه‌رمه‌ند له‌ له‌پزێڕێندا نمایشی کردووه‌.

له‌ سه‌ره‌تای سیمیناره‌که‌ به‌ڕێز کاک عارف ڕپۆرتێکی له‌سه‌ر ڕه‌وشی کوردستان و عێراق دا بۆ ئامه‌ده‌بوان، هه‌روه‌ها ڕوونکردنه‌وه‌و شیکارکردنی ڕووداوو دۆزه‌کان له‌ تێڕوانینی یه‌کێتیه‌وه‌، هه‌ندێکیشی به‌ له‌ دیدی خۆیه‌وه‌. ئاماده‌بوان له‌ بڕگه‌ی دووه‌می سیمیناره‌که‌دا ژماره‌یه‌کی زۆر پرسیاریان کرد، وه‌ زۆر بابه‌تی جیایان ووروژاند. کاک عارف وه‌لامی پرسیاره‌کانی دایه‌وه‌، وه‌ سڵی نه‌کرده‌وه‌ له‌ ڕه‌خنه‌له‌خۆگرتن، له‌ هه‌ندێ کاردا که‌ بڕوای ئه‌و ده‌کرا به‌ جۆرێکی تر بکرایه‌.

سیمیناره‌که‌ له‌ لایه‌ن به‌ڕیز ئه‌حمه‌د نامۆوه‌ به‌ڕێوه‌چوو، وه‌ نزیکه‌ی50 که‌س ئاماده‌بوون.

 

 سه‌ردانی بزووتنه‌وه‌ی گۆڕان

ه‌پێی پلانی ساڵانه‌ که‌ کۆنگره‌ بڕیاری له‌سه‌ردا بۆ سه‌ردانی پارته‌ کوردیه‌کان، گروپێک له‌ ئه‌ندامانی کۆمه‌له‌که‌مان سه‌ردانی مه‌کۆی بزووتنه‌وه‌ی گۆڕانی کرد له‌ یۆته‌بۆری، له‌ ڕۆژی یه‌کشه‌ممه‌ ڕیکه‌وتی 13 ی مای 2012.  مه‌به‌ست له‌و سه‌ردانانه‌ بریتییه‌ له‌ په‌یوه‌ندی وگؤرینه‌وه‌ی ڕاو بۆچوون، وه‌ هه‌روه‌ها ئه‌گه‌ر کرا کاری هاوبه‌ش بکرێ له‌ چوارچێوه‌ی به‌رژه‌وه‌ندیی ڕه‌وه‌ندی کوردی که‌ مه‌به‌ستی لایه‌نه‌که‌نه‌.

شانده‌که‌ پێشوازیی لێکرا له‌ لایه‌ن نوێنه‌رانی بزووتنه‌وه‌که‌. له‌ پاش ڕوونکردنه‌وه‌ی مه‌به‌سته‌کانمان، وتووێژی دۆستانه‌ کرا بیرو ڕامان گۆڕیه‌وه‌ ده‌رباری تێگه‌یشتنمان له‌ ڕه‌وشی  کوردستان و سوید. هه‌روه‌ها هه‌ردوو لایه‌ن پۆزه‌تیڤ بوون له‌ وه‌ی که‌ ئه‌کرێ چالاکیی هاوبه‌ش سازبکه‌ین، به‌ جۆرێک که‌ بۆ هه‌ردوولا گونجاوبێت، وه‌ له‌ به‌رژه‌وه‌ندیی ڕه‌وه‌ندی کوردیدا بێت.

 

  یه‌کی ئایاری 2012 بوو به‌ ئاهه‌نگێکی جه‌ماوه‌ریی مه‌زن

ڕۆژی یه‌کی ئایار، جه‌ژنی کرێکارانی جیهان له‌ شاری یۆته‌بۆری زۆر به‌ سه‌رکه‌وتوو گێڕدرا. ڕیزی خۆپیشانده‌رانی سه‌ندیکاو پارتی، گۆڕه‌پانی یۆته‌پلاتسی یۆته‌بۆریی کرده‌ جێگای یه‌کێ له‌ هه‌ره‌ جه‌ژنه‌ جه‌ماوه‌ریه‌ مه‌زنه‌کان به‌ ئاماده‌بوونی 15 000 که‌س. ‌ بێزاربوونی خه‌ڵک له‌ سیاسه‌تی چه‌وتی پارته‌ ڕاستڕه‌وه‌کان، سه‌رۆکی نوێبی حیزبمان ستێفان لوێڤێن که‌ بۆ یه‌که‌مجار وتاری یه‌کی ئایار بخوێنێته‌وه‌، هه‌روه‌ها ئاووهه‌وایه‌کی زۆر نایاب،  هه‌ندێ له‌و هۆکارانه‌ بوون  که‌ ئه‌م مه‌راسیمه‌ی وا سه‌رکه‌وتوو کرد.

کۆمه‌ڵه‌که‌مان بێگومان وه‌ک هه‌موو ساڵان به‌شداری کرد له‌م مه‌راسیمه‌دا له‌ته‌ک ئه‌ندامانی کۆمه‌ڵه‌کوردیه‌کانی تردا له‌ژێر باندڕۆڵی " کۆمیته‌ی هاوکاریی کۆمه‌ڵه‌ کوردیه‌کان". پلاکاتی ئه‌مساڵمان بریتیی بوون له‌ " وه‌ستاندنی کوشتاری خه‌ڵک له‌ سوریا" وه‌ " دژی چه‌وساندنه‌وه‌ی کورد له‌ تورکیا".

 

 
 ڕەوشی باشووری کوردستان له‌ دیدی شادیه‌وه‌

لە مارسی ئەمساڵدا (٢٠١٢)  لەسەر بانگهێشتنی پارتی دیموکراتی کوردستان شاندێکی پارلەمانی سوید کە پێکهاتبوو لە ٨ ئەندام پارلەمان سەردانی کوردستانیان کرد.  شاندەکە سەردانی زۆر جێگە، زۆر فەرمانگەو شارو پارتی سیاسیی کرد. بە مەبەستی باسکردنی ئەم سەردانە کۆمەڵەکەمان لەتەک سێ کۆمەڵەی کوردیدا (سەنتەری هاوگونجاندنی کوردان، کۆمەڵەی کوردی لە یۆتەبۆری و کۆمەڵەی مەتین) کۆڕێکیان بۆ ئەندام پارلەمان بەڕێز شادیە حەیدەری سازکرد.

لە بڕگەی دووەمی کۆڕەکەدا ژمارەیەکی زۆر لە بەشادربووان پرسیاریان ئاڕاستەی شادیە کرد. پرسیارەکان هەمەچەشنەبوون وە بابەتی زۆریان پێکا.  هەندێ لە ئامادەبووان ستایشی شادیەیان کرد بۆ کارەکانی وە هیوای سەرکەوتنیان بۆ خواست، هەندێکیش پرسیاری ڕەخنەئامێزیان ئاڕاستە کرد. شادیە بە سینگێکی فراوانەوە ڕەخنەو ستایشەکانی وەرگرت، وە وەڵامی پرسیارەکانیانی دایەوە.  هەروەها هەندێ پێشنیاری بەکەڵکی وەرگرت.

کۆڕەکە لەلایەن بەڕێز نەجات فەرزاوە بەڕێوە برا. وە نزیکەی ٧٠ کەس ئامادەبوو.

ڕۆژی یه‌کشه‌ممه‌ ڕێکه‌وتی 29 ئه‌پریل

هۆڵی ئا بێ ئێف له‌ Spadegatan 9  له‌ ئه‌نگرێد

کاتژمێر 15.00

 

 پشتگیری له‌ مانگرتن

کۆمه‌ڵێ کورد له‌ شاری یۆته‌بۆری ئاکسیۆنێکی مانگرتن له‌ خواردن بۆ ماوه‌ی دوو ڕۆژ ده‌ستپێکرد له‌ ڕۆژی شه‌ممه‌ ڕێکه‌وتی 10 ی مارسی 2012. مه‌به‌ست له‌م مانگرتنه‌ پشتگیری بوو له‌ و سه‌ده‌ها کوردانه‌ی که‌ له‌ به‌ندیخانه‌کانی تورکیا له‌ ڕۆژی 15 شوباته‌وه‌ مانیانگرتووه‌ بۆ داخوازی شکاندنی دابڕکردنی به‌ڕێز ئۆچه‌لان له‌ به‌ندیخانه‌ی ئیمراڵی له‌ تورکیا، وه‌ هه‌روه‌ها داوای چاره‌سه‌رکردنی ئاشتیانه‌ی دۆزی کورده‌ له‌ تورکیادا. شاندێکی کۆمه‌له‌ی سۆسیالدیموکراتی کوردی له‌ یۆته‌بۆری سه‌ردانی ئه‌و به‌ڕێزانه‌ی کرد به‌مه‌به‌ستی پشگیریکردن له‌ خه‌بات و داخوازیه‌کانیان.

 کۆنگره‌ی ساڵانه‌ 25 ی فێبرواری

ه‌ڕۆژی شه‌ممه‌ ڕێکه‌وتی 25 ی شوباتی 2012 کۆمه‌ڵه‌ی سۆسیالدیموکراتی کوردی له‌ یۆته‌بۆری کۆنگره‌ی ساڵانه‌ی ئاسایی به‌ست. سیاسه‌تمه‌داری شاره‌وانی به‌ڕێز داریۆ ئێسپیگا به‌رپرسی کاروباری کۆمه‌ڵایه‌تی و ڕاگری ئارامیی ته‌ندروستی گشتی میوانی کۆنگره‌بوو. داریۆ له‌ وته‌کانیدا زۆر بابه‌تی گرنگیی وروژاند، له‌وانه‌ مه‌سه‌له‌ی هه‌ژاری، دیارده‌ی سواڵکردن، که‌سانی بێماڵ هه‌روه‌ها کێشه‌ی بڕیاری دیاریکردنی داخستنی دیسکۆکان له‌ شه‌ودا.بابه‌ته‌که‌ ئه‌ندامانی کۆبوونه‌وه‌که‌ ی بزواند بۆ پرسیارو وتووێژ.

له‌ بڕگه‌ی دووه‌می کۆبوونه‌وه‌که‌دا ڕاپۆرتی چالاکییه‌کان و دارایی خوێنرانه‌وه‌و په‌سه‌ندکران. هه‌روه‌ها کۆنگره‌ له‌سه‌ر پێشنیاری چاودێره‌کان بڕیاری ڕووسپیکردنی کۆمیته‌ی دا. له‌ هه‌ڵبژاردندا به‌ڕێز موسته‌فا کۆکۆیی هه‌ڵبژێردرایه‌وه‌ وه‌ک به‌رپرسی دارایی بۆ ماوه‌ی 2 ساڵ. هه‌روه‌ها  به‌ڕێزان سالح شه‌ره‌فی، ڕێگر دۆسکی و محمد ئه‌رته‌کین بۆ کۆمیته‌ی کارگێڕ هه‌ڵبژێردران وه‌ک ئه‌ندامی ئاسایی.  به‌ڕێزان تانیا قاره‌مان، ئه‌بو مورادی و حاجی فایه‌ق وه‌ک جێگر هه‌ڵبژێردران.

کۆنگره‌ له‌ لۆکاڵی ئا بێ ئێف به‌سترا و 24 ئه‌ندام ئاماده‌بوون.

ڕۆژی شه‌ممه‌ ڕێکه‌وتی 25 ی فێبرواری 2012

کاتژمێر 14.00
له‌ لۆکاڵی ئا بێ ئێف له‌ سپاده‌گاتانی 9

نووسراوه‌کانی کۆنگره‌:
 - ڕاپۆرتی چالاکیه‌کان - کوردی
 - ڕاپۆرتی چالاکیه‌کان سویدی
 - ڕاپۆرتی دارایی
 - پێشنیاری خاڵه‌کانی کۆبوونه‌وه‌

 

کۆرسی یه‌کڕۆژه‌ بۆ ئه‌ندامان 26 نۆڤه‌مبه‌ر 2011


کۆمه‌ڵه‌ی سۆسیالدیموکراتی کوردی له‌ یۆته‌بۆری له‌سه‌ر پێشنیاری ئه‌ندامان، کۆرسێکی یه‌کڕۆژه‌ی سازکرد به‌هاوکاریی به‌شی یۆته‌بۆریی حیزب. کۆرسه‌که‌ له‌ ڕۆژی شه‌ممه‌ ڕێکه‌وتی 26 ی نۆڤه‌مبه‌ری 2011 له‌ لۆکاڵی خوێندنگه‌ی بزووتنه‌وه‌ی کرێکاری له‌ کاتژمێر 10 تا کاتژمێر 16 به‌ڕێوه‌چوو.

ئه‌م بابه‌تانه‌ی خواره‌وه‌ بریتیبوون لر ناوه‌رۆکی کۆرسه‌که‌:

 - ئایدیۆلۆژی سۆسیالدیموکرات به‌راورد له‌ ته‌ک ئایدیۆلۆژی حیزبه‌کانی تردا  - (کامیل)

 - سیاسه‌تی ده‌ره‌وه‌ی حیزب و دۆزی نێوده‌وڵه‌تی - ئه‌ندام پارله‌مان (کێنێت فرشلوند)

 - ڕۆڵی ده‌سته‌ی ئاماده‌کاری هه‌ڵبژاردن - ئه‌ندام پارله‌مان شادیه‌ حه‌یده‌ری

19 ئه‌ندامی کۆمه‌ڵه‌که‌مان به‌شداریی له‌ کۆرسه‌که‌دا کرد


 

کۆبوونه‌وه‌ی ئه‌ندامان شه‌ممه‌ 22 ی ئۆکتۆبه‌ر2011
له‌ ڕۆژی شه‌ممه‌ ڕێکه‌وتی  22 ی ئۆکتۆبه‌ر کاتژمێر 15.00 کۆبوونه‌وه‌یه‌کی ئاسایی ئه‌ندامان سازکرا. له‌م کۆبوونه‌وه‌یه‌دا پاش ڕاۆرتی دارایی و چالاکیه‌کان، وتووێژ له‌سه‌ر پلانی چلاکایی له‌ داهاتوودا تاووتوێکرا. پێشنیاری سازکردنی کۆرسێک بۆ ئه‌ندامان له‌لایه‌ن زۆر له‌ ئاماده‌بووانه‌وه‌ په‌سه‌ندکرا. هه‌روه‌ها له‌م کۆبوونه‌وه‌یه‌دا به‌ڕێز نیاز عه‌لی سه‌عید به‌ڕێوه‌به‌ری فێرگه‌ی کادیرانی یه‌کێتیی نیشتمانیی کورستان وه‌ک میوان ئاماده‌بوو. کاک نیاز به‌بانگهێشتی سه‌نته‌ری ئولوف پاڵمه‌ سه‌ردانی سوید ئه‌کات له‌ چوارچێوه‌ی پڕۆژه‌یه‌کدا.

شوێن: لۆکاڵی ئا بێ ئێف له‌ سپاده‌گاتانی 9

کۆڕێک ده‌رباره‌ی ڕۆڵی میدیای کوردی له‌هه‌نده‌ران

له‌ ڕۆژی شه‌ممه ڕێکه‌وتی 1 ی ئۆکتۆبه‌ری 2011 له‌ هۆڵی خانه‌ی ڕۆشنبیریی عێراقی، کۆمه‌ڵه‌که‌مان به‌‌هاوکاریی کۆمه‌ڵه‌ی مه‌تین و یه‌کێتیی کوردان کۆڕێکیان سازکرد ده‌رباره‌ی ڕۆڵی میدیای کوردی له‌ هه‌نده‌ران به‌به‌شداربوونی به‌ڕێزان:

حه‌سه‌ن خالقی ڕادیۆ ده‌نگی کوردستان ، به‌کر ئه‌حمه‌د ڕادیۆ هاوپشتی، شه‌ماڵ ئیبراهیمزاده‌ ڕادیۆ دیالۆگ.

دوای ئه‌وه‌ی هه‌ریه‌که‌ له‌و به‌ڕێزانه‌ کورته‌ باسێکیان ده‌رباره‌ی ڕادیۆو کاره‌کانیان پێشکشکرد، ئاماده‌بووان پرسیاریان له‌سه‌ر کاری ڕادیۆیی و ڕۆڵی ڕادیۆکان و کاریگه‌ریان له‌ سه‌ر گۆێگری کرد. کۆڕه‌که‌له‌ هۆڵی خانه‌ی ڕۆشنبیریی عێراقی له‌ کاتژمێر 14.30ی پاشنیوه‌ڕۆ تا کاتژمێر پێنج به‌رده‌وامبوو، به‌ڕێز نه‌جات فه‌رزا سه‌رۆکی کۆمه‌ڵه‌که‌مان کۆڕه‌که‌ی به‌ڕێوه‌برد .

 

 

 سه‌یرانی به‌هاری 2011 له‌ ڕۆژی نیشتمانیی سویددا
  کۆمه‌له‌ی سۆشیالدیموکراتی کوردی له‌ یۆته‌بۆری، سه‌یرانێکی به‌هاره‌ی سازکرد بۆ ئه‌ندامانو خێزانیان، له‌ ڕۆ 688; ی دووشه‌ممه‌ ڕێکه‌وتی 6 ی یونی، واته‌ ڕۆژی نیشتمانیی سویددا. له‌م سه‌یرانه‌دا کۆمه‌له‌که‌ داوه‌تی خواردنو خواردنه‌وه‌ی ئه‌ندامانی کرد، وه‌ بووه‌ ئاهه‌نگێکی خێزانیی خۆش، له‌ که‌ناری ده‌ریاچه‌ی Mölnesjön له‌ ناوچه‌ی Rannebergen.

 

 سۆشیالدیموکراتی و دیدی دواڕۆژ
کۆمه‌ڵه‌که‌مان به‌ هاوکاریی کۆمه‌ڵه‌ی کوردی له‌ یۆته‌بۆری کۆڕێکی سازکرد به‌بۆنه‌ی دووباره‌ هه‌ڵبژاردنی هه‌رێمی ڕۆژئاوای یۆته‌لاند. هه‌ردوو له‌ به‌ڕیزان هۆکان ڤێرنه‌ر لیننارشۆن و گۆران مه‌ریوانی باباتیان تیا پێشکه‌شکرد.

هۆکان که‌ سه‌رۆکی ئه‌نجومه‌نی چاودێریی ته‌ندروستیی ناوجه‌ی 12 یه‌، باسی له‌سه‌ر به‌رنامه‌ی سۆسیالددیموکراته‌کان و به‌ڵینه‌کان کرد سه‌باره‌ت به‌م ناوچه‌یه‌، بۆ په‌ره‌پێدانی خزمه‌تی ته‌ندروست هاولاتیان له‌ هه‌ریمه‌که‌دا. هه‌روه‌ها ئاماژه‌ی به‌ گرینگیی ده‌نگدان کردو، جیاوازیی سیاسه‌تی پارته‌که‌ی به‌به‌راورد له‌ته‌ک پارته‌کانی تر.

گۆران مه‌ریوانی که‌ سیاسه‌تمه‌داری ئه‌نجومه‌نی هه‌رێمه‌، تیشکی خسته‌ سه‌ر لایه‌نه‌ مێژووییه‌که‌ی حیزب، هه‌روه‌ها ڕه‌وتی خه‌باتی حیزب له‌ پێناوی یه‌کسانی و هاوپشتی له‌ کۆمه‌ڵگای سویدیدا.

له‌دواییدا گۆران و هۆکان وه‌لامی پرسیاری ئاماده‌بوانیان دایه‌وه‌. جێی ئاماژه‌یه‌ که‌ خاتو نالین پێکگول بانگهێشتکرابوو، به‌لام له‌ دوا کاتدا ڕایگه‌یاند که‌ ناتوانێ به‌شدار بکات، ئه‌مه‌ش وای کرد که‌ نه‌توانری، به‌و کتوپڕیه‌ که‌سیکی تر له‌جێی ئه‌و بانگهێشت بکرێ. كۆڕه‌که‌ له‌ ڕۆژی شه‌ممه‌ ڕێکه‌وتی 30 ئه‌پریلی 2011 له‌ هۆڵی کولتوری عیراقی سازکراو، له‌لایه‌ن به‌ڕێز نه‌جات فه‌رزاوه‌ به‌ڕێوه‌برا.

  ڕۆژی شه‌ممه‌ ڕێکه‌وتی 30 ئه‌پریل کاتژمێر 12
 خانه‌ی کولتوریی عێراقی Irakiska Kulturhuset (Stallmästaregatan 8 ”Bellevue”)

 

 

  ڕۆژی هه‌ڵه‌بجه‌ و جه‌ژنی نه‌ورۆز 2011
ئه‌نجومه‌نی کۆمه‌ڵه‌کوردیه‌کان له‌ ڕۆژئاوای سوید (کۆمه‌ڵه‌که‌مان وه‌ک ئه‌ندام)، یادو بۆنه‌کانی ڕۆژی هه‌ڵه‌بجه‌و جه‌ژنی نه‌ورۆز ساز ئه‌کات به‌ هاوبه‌شی.

 یادکردنه‌وه‌ی کاره‌ساتی کیمیابارانی هه‌ڵه‌بجه‌
بۆ به‌رز ڕاگرتنی یادی ئه‌و هه‌زاران قوربانیه‌ی له‌ ڕۆژی 16 ی مارسی 1988 دا له‌لایه‌ن ڕژێمی دڕنده‌ی عێراقه‌وه‌ کیمیاباران کران، ئه‌نجومه‌نی کۆمه‌ڵه‌ کوردیه‌کان مه‌راسیمێک ساز ئه‌کات، که‌ تیایدا چه‌نده‌ها چالاکیی جیاواز ئه‌گرێته‌ خۆ. وه‌ک خوێندنه‌وی شیعرو، په‌خشان و شانۆیی و پێشانگای وێنه‌یی.

  ڕۆژی پێنجشه‌ممه‌ ڕێکه‌وتی 17 ی مارسی 2011
  کاتژمێر 18.00
   له‌ لۆکاڵی هۆڵی ڕۆشنبیریی عێراقی

جه‌ژنی ئاگری نه‌ورۆز

 وه‌ک هه‌موو ساڵێک، جه‌ژنی ئاگری نه‌ورۆز به‌ ئاهه‌نگێکی ڕازاوه‌ به‌ مۆسیقاو گۆرانی و سه‌مای کوردی و ئاگرکردنه‌وه‌ له‌ گۆڕه‌پانی هێدن له‌ ناوه‌ندی شاری یۆته‌بۆری ساز ئه‌کری.

گۆڕه‌پانی HEDEN له‌ نێوه‌ندی شاری یۆته‌بۆری
ڕۆژی یه‌کشه‌ممه‌ ڕێکه‌وتی 20 ی مارسی 2011

 

 

 

 کۆنگره‌ی ساڵانه‌ 26 ی فێبرواری 2011

ڕۆژی شه‌ممه‌ ڕێکه‌وتی 26 ی فێبرواری کۆنگره‌ی ساڵانه‌ی کۆمه‌ڵه‌که‌مان به‌سترا. میوانی کۆنگره‌ به‌ڕێز خاتو ئه‌ن لوندگرێن بوو (لێپرسراوی سۆسیالدیموکراته‌کانی ئه‌نگرێد). ئه‌ن باسی له‌ پێکهێنانی کۆمپانیایه‌کی نوێی سه‌ر به‌ شاره‌وانی کرد، که‌ له‌ڕێی پڕۆژه‌وه‌، کارئه‌کات بۆ په‌ره‌پێدانی ناوچه‌کانی باکوڕی ڕۆژهه‌ڵاتی یۆته‌بۆری. هه‌ندێ له‌و هه‌نگاوانه‌ بریتیی ئه‌بێ له‌ نوێکردنه‌وه‌ی هه‌ندێ وێستگای ترام، وه‌ ڕاکێشانی کۆمپانیا بۆ وه‌به‌رهێنان له‌م ناوچانه‌، له‌ڕێی ئاسانکاری و مۆڵه‌تی زه‌ویه‌وه‌.

ڕاپۆرته‌کانی چالاکی و دارایی و چاودێره‌کانی تیا خوێنرایه‌وه‌و په‌سه‌ند کران، وه‌ کۆمیته‌ی کارگێڕ ڕووسپیکران. کۆنگره‌ به‌ڕێز خاتو نه‌جات فه‌رزای هه‌ڵبژارد وه‌ک سه‌رۆکی کۆمه‌ڵه‌ بۆ ماوه‌ی دوو ساڵ. 3 ئه‌ندامی ئاسایی نوێ بۆ کۆمیته‌ی کارگێڕ بۆ دوو ساڵ، وه‌ 3 جێگر بۆ ساڵێک. وه‌ هه‌روه‌ها بۆ تێکڕای هه‌ڵبژاردنه‌کان کلیک له‌ کارگێڕان بکه‌. 23 ئه‌ندام ئاماده‌بوون.

ڕپۆرته‌کانی کۆنگره‌:

 - ڕاپۆرتی چالاکییه‌کان (به‌سویدی)
 - ڕپۆرتی چالاکییه‌کان (به‌ کوردی)
 - ڕاپۆرتی دارایی
 - پێسنیاری خاڵه‌کانی کۆبوونه‌وه‌.

   ڕۆژی شه‌ممه‌ ڕێکه‌وتی 26 ی فێبرواری
   کاتژمێر 14.00
   لۆکاڵی ئا بێ ئێف له‌ سپاده‌گاتان 9 (ئه‌نگرێد)

 

 کۆبوونه‌وه‌ی ئه‌ندامان 15 ی یانواری

کۆمه‌ڵه‌ی سۆسیالدیموکراتی کوردی له‌سه‌ر داواکاریی به‌شی یۆته‌بۆریی حیزب، کۆبوونه‌وه‌یه‌کی ئه‌ندامانی ساز کرد له‌ ڕۆژی شه‌ممه‌ ڕێکه‌وتی 15 ی یانواری. بابه‌تی سه‌ره‌کیی کۆبوونه‌وه‌که‌ بریتییبوو له‌ وتووێژ سه‌باره‌ت دوو پرسیار که‌ لێژنه‌ی هه‌ڵبژاردن ناردبووی بۆ ئاماده‌کردنی پێشنیار بۆ کۆنگره‌ی نائاسیی حیزب، که‌له‌ ڕۆژانی 25 تا 27 ی مارسدا ساز ئه‌کرێ. 13 ئه‌ندام ئاماده‌ی کۆبوونه‌وه‌که‌ بوون، که له‌  وتووێژێکی هاوڕێیانه‌ی گه‌رم، سه‌رنج و ڕای خۆیان گوت. له‌ کۆتاییدا سه‌رۆکی کۆمه‌ڵه‌یان هه‌ڵبژارد بۆ گه‌ڵاڵه‌کردن و ڕێکخستنی سه‌رنجه‌کان و ناردنی بۆ جێی مه‌به‌ست.

شه‌ممه‌ ڕێکه‌وتی 15 ی یانواری

کاتژمێر 15.00

لۆکاڵی سپاده‌گاتانی 11

اسوپاس بۆ کۆمه‌کتان

هاونیشتمانان ودڵسۆزانی گه‌ل،

پشتیوانانی خه‌باتگێرانی مافی مرۆڤ،

 سایته‌تێکوشه‌ره‌ ماندوونه‌ناسه‌کا‌ن،نوسه‌رانی قه‌له‌م زێرین،

به‌گشتی تاکه‌‌کانی نه‌ته‌وه‌که‌مان!

به‌رێزان ویستمان به‌و چه‌ند دێره  سۆپاس و پێ‌زانینی خۆمان که ‌قه‌تره‌یه‌که له‌‌ده‌ریای پشتیوانی ئێوه   رابگه‌یه‌نین و به‌ ئێوه‌ تێکۆشه‌ران بلین که‌‌ خۆبه‌خشی‌وهه‌ولی ئیوه به‌رێزان به‌‌نوسینه‌کانتان، ‌‌بلاوکراوه‌کانتان و به‌قسه‌کردن له‌کۆروکومه‌ڵه‌کاندا بۆ به‌شداری له‌‌ هه‌لبژاردن و ده‌نگدان  له‌یاد ناچێت‌وپشتگیرێکه‌تان بۆ ئێمه‌  مایه‌ی سه‌ربه‌رزیه‌ و بۆ به‌هوی ئه‌وه‌ که‌زیاتر له‌تێکۆشانماندا به‌ چڕ و پڕی به‌رده‌وام بین بۆ درۆست کردنی کۆمه‌لگایه‌کی دادپه‌‌روه‌رانه‌ویه‌ککرتوو یه‌کسان به‌هه‌موو خۆشێکانی ژیانه‌وه.   به‌ سۆپاسه‌وه

 دیاکۆ شێخ‌ئاغایی  و شادیه‌ حه‌یده‌ری/ یۆتۆبۆری

 

نوسینی مامۆستا شێخ بزێنی سه‌باره‌ت به‌ هه‌ڵبژاردن

ئه‌رکێکی نیشتمان په‌روه‌ری و پیرۆزه‌" سه‌ردێڕی نوسراوێکه‌ که‌ به‌ڕێز مامۆستا نه‌جمه‌دی شێز بزێنی نوسیوێتی سه‌باره‌ت به‌ هه‌ڵبژاردنه‌کانی سوید 2010. مامۆستا له‌وتاره‌که‌یدا گرینگیی به‌شداربوونی ئێمه‌ی کوردی دانیشتووی سوید ڕوون ئه‌کاته‌وه له‌ هه‌ڵبژاردنه‌کاندا‌، هه‌روه‌ها پشتگیریی خۆی له‌ ده‌نگدان بۆ کاندیدی سۆسیالدیموکرات به‌ڕێز شادیه‌ حیدری ئه‌کات. فه‌رموون نوسراوه‌که‌ بخوێننه‌وه‌.


 کۆبوونه‌وه‌ی ئه‌ندامان یه‌کشه‌ممه‌ 14 ی نۆڤه‌مبه‌ر
ڕۆژی یه‌کشه‌ممه‌ ڕێکه‌وتی 14 ی نۆڤه‌مبه‌ری 2010 کۆبوونه‌وه‌یه‌کی ئه‌ندامان به‌ڕێوه‌چوو. له‌م کۆبوونه‌وه‌یه‌دا به‌ڕێز شادیه‌ حیدری، ئه‌ندامی کۆمه‌ڵه‌که‌مان و ئه‌ندام پارله‌مانی سوید ئاماده‌ بوو، تیایدا باسێکی ده‌رباره‌ی کاره‌که‌ی له‌ پارله‌مان، ڕۆتینه‌کانی کاره‌که‌و، کارکردنی ناو لێژنه‌کانی ناو پارله‌مان، وه‌ هاتوچۆو، کۆبوونه‌وه‌کانی باسکرد. ئه‌ندامان چه‌ند پرسیارێکیان کرد که‌ له‌لایه‌ن شادیه‌وه‌ وه‌ڵام درایه‌وه‌.
بابه‌تی سه‌ره‌کیی کۆبوونه‌وه‌که‌ بریتیی بوو له‌ هه‌ڵسه‌نگاندنی پرۆسه‌ی بانگه‌شه‌ی کۆمه‌ڵه‌که‌مان، یۆته‌بۆری وه‌ حیزب له‌ ئاستی سویددا، هه‌روه‌ها هۆکاره‌کانی شکستی حیزب له‌ هه‌ڵبژاردنه‌کاندا. تێکڕای ئه‌ندامان به‌چالاکی به‌شداریی وتووێژێکی سودمه‌نددا کرد، وه‌ له‌ئه‌نجامدا، سه‌رنج و بۆچوونه‌کانمان له‌ چه‌ندخاڵێکدا کۆکرده‌وه‌وه‌، که‌ ڕه‌وانه‌ی گروپی لێکدانه‌وه‌ی هه‌ڵبژاردن و گروپی حیزب ئه‌کرێ،
 19 ئه‌ندام ئاماده‌ی کۆبوونه‌وه‌که‌ی کرد، هه‌روه‌ها سه‌ر‌نج و بۆچوونی ئه‌ندامێک خوێنرایه‌وه‌و، له‌به‌رچاوگیرا، که‌ به‌نامه‌ به‌شداریی کردبوو.

خشته‌ی پلانی بانگه‌شه‌ی هه‌ڵبژاردن

 
ڕۆژ به‌روار کات شوێن چالاکی هاوکارانمان
     
 یه‌کشه‌ممه 5/9  کاتژمێر 12 تا 14
 Kviberg
بڵاوکراوه‌ی حیزب  
 پێنجشه‌ممه 9/9  کاتژمێر 18،00
Spadegatan 1
کۆڕی سیاسی کۆمه‌ڵه‌ی کوردی، بێستون
یه‌کێتیی کوردان، سۆلاڤ
 هه‌ینی 10/9  کاتژمێر 19،00
Folkets Hus Järntorget
کۆڕی سیاسی
مـه‌لا بـه‌ختیار
 
 شه‌ممه‌ 11/9 کاتژمێر 12 تا 14
Kviberg
بڵاوکراوه‌ی حیزب  
 یه‌کشه‌ممه 12/9  کاتژمێر 12 تا 14
Kviberg
بڵاوکراوه‌ی حیزب  
 یه‌کشه‌ممه 12/9  کاتژمێر 12 تا 15
Bergsjödagen Galaxen
بڵاوکراوه‌ی حیزب Bergsjökretsen
 پێنجشه‌ممه 16/9 کاتژمێر 18 تا 20
Bergsjödagen- Galaxen
بڵاوکراوه‌ی حیزب Bergsjökretsen
 هه‌ینی  17/9 کاتژمێر 18 تا 20
Bergsjön Komettorget
بڵاوکراوه‌ی حیزب Bergsjökretsen
شه‌ممه ‌  18/9 ئاهه‌نگی کۆتایی با‌نگه‌شه‌ له‌گه‌ڵ Mona Sahlin له ‌ Götaplatsen

 

کۆبوونه‌وه‌ی ئه‌ندامان هه‌ینی 27 ی ئۆگۆست ٢٠١٠

ڕۆژی هه‌ینی ڕێکه‌وتی 27 ی ئاب، کۆبوونه‌وه‌یه‌کی ئه‌ندامان به‌سترا. له‌ کۆبوونه‌وه‌که‌دا باس له‌ ڕه‌وشی حیزب کرا، پاشان گفتوگۆ سه‌باره‌ت به‌ پلانی پرۆسه‌ی بانگه‌شه‌. کۆمه‌ڵه‌که‌مان ڕیزێک چالاکی سازئه‌کات، هه‌ندێکی سازدانی ته‌نها کۆمه‌ڵه‌یه‌، هه‌ندێکیشی، به‌هاوکاری له‌ته‌ک ڕێکخراوی تری حیزب و، یان کۆمه‌ڵوکوردیه‌کان. لاپاش کۆبوونه‌وه‌که‌ ئه‌ندامان له‌لایان کۆمه‌ڵه‌که‌وه‌، داوه‌تی خوانی ئێواره‌ کرا. 27 ئه‌ندام ئاماده‌بوون

ڕۆژی هه‌ینی ڕێکه‌وتی 27 ی ئاب (ئه‌گوست) 2010
کاتژمێر 18،00
هۆڵی ئا بێ یءف له‌ سپاده‌گاتان 11

 کۆبوونه‌وه‌ی ئه‌ندامان یه‌کشه‌ممه‌ 23 ی مای ٢٠١٠
ه‌رنه‌ڤاڵی هاممه‌رکولله‌ن، ئه‌مساڵ بۆ ساڵی 35 هه‌مین سازئه‌کرێ له‌ ڕۆژانی 28 تا 30 ی مای. سێ ڕۆژی له‌ ئاهه‌نگو خۆشی، سه‌مای جۆره‌ها میلله‌تی جیهان، شاری یاری، بازاڕو خواردنی هه‌موو کونجێکی ئه‌م جیهانه‌. سۆسیالدیموکراته‌کان وه‌ک چه‌نده‌ها ساڵ له‌مه‌وبه‌ر، ئاماده‌ ئه‌بن له‌م که‌رنه‌ڤاڵه‌دا به‌ دانانی چادر ێ به‌هاوکاریی سه‌ندیکای کرێکاران. أماره‌یه‌کی به‌رچاو له‌ ئه‌ندامانی کۆمه‌ڵه‌که‌مان له‌گه‌ڵ هاوڕێیانی حیزبدا، چالاکانه‌ به‌شداریی ئه‌م چالاکییه‌یان کرد به‌ دابه‌شکردنی بڵاوکراوه‌کانی حیزب و کۆمه‌ڵه‌که‌مان، وه‌ گفتوگۆ له‌گه‌ڵ خه‌ڵکدا.
 

 کۆبوونه‌وه‌ی ئه‌ندامان یه‌کشه‌ممه‌ 23 ی مای ٢٠١٠


ڕۆژی یه‌کشه‌ممه‌ ڕێکه‌وتی 23 مای کۆبوونه‌وه‌یه‌کی ئه‌ندامان سازکرا. خاڵی یه‌که‌می کۆبوونه‌وه‌که‌ بریتیی بوو له‌ ڕاپۆرتی کۆمیته‌ی کارگێڕ ده‌رباره‌ی چالاکییه‌کانی ڕابودووی کۆمه‌ڵه‌که‌مان، که‌ بریتیی بوو له‌ کۆرسێکی دووڕۆژه‌، له‌ ڕۆژانی 24 تا 25 ی ئه‌پریل سازکرا بۆ ئه‌ندامان،  19 ئه‌ندام به‌شداریکرد، کۆرسه‌که‌ به‌ هاوکاری به‌شی یۆته‌بۆریی حیزب و ئا بێ ئێف به‌ڕیوه‌چوو. چالاکییه‌کانی 1 ی مای، وه‌ هه‌ندێ له‌ کۆبوونه‌وه‌ که‌ تیایدا کۆمه‌ڵه‌که‌مان به‌شداریکردووه‌ به‌ نماینده‌. خاڵی دووه‌م بریتیی بوو له‌ باسی کاری سیاسی له‌ ئه‌نجومه‌ن و کۆمپانیاکانی شاره‌وانی و پارێزگا، بۆ ئه‌م مه‌به‌سته‌ به‌ڕێز کارینا ڕینگ کارمه‌ندی به‌شی یۆته‌بۆریی حیزبه‌و، لێپرسراوی نوێنه‌رانی ئه‌نجومه‌نه‌کانه‌، به‌شدایکردو، بۆ ئه‌ندامانی ڕوونکرده‌وه‌ کارو پۆستی سیاسی چۆنه‌، وه‌چۆن پێشنیاری پاڵێوراوه‌کان له‌لایه‌ن حیزبه‌وه‌ بڕیاری له‌سه‌ر ئه‌درێ. له‌ پاشدا چوار ئه‌ندامی کۆمه‌ڵه‌که‌مان که‌ پۆستی سیاسییان هه‌یه‌ له‌ناو ئه‌نجومه‌نه‌کاندا، باسی ڕۆتینی کاری ناو ئه‌نجومه‌نه‌کانیان کرد. له‌ کۆتاییدا، کۆبوونه‌وه‌که‌ لیسته‌ی ناوی پاڵێوراوه‌کانی وه‌ک پێشنیاری کۆمه‌ڵه‌که‌مانی داڕشت، که‌ ئه‌بێت تا ڕۆژی 31 ی مای بنێردرێ بۆ حیزب.

کۆبوونه‌وه‌که‌ له‌ نێوان کاتژمێر 16 تا 18.30 له‌ لۆکاڵی ئا بێ ئێف سازکرا، وه‌ 27 ئه‌ندام ئاماده‌بوو.

له‌سێداره‌دانی 5 زیندانی سیاسیی کورد له‌ ئێران

ه‌وشی سیاسیی ئێران ڕۆژ دوای ڕۆژ به‌ره‌و خراپتر ئه‌ڕوات، ڕژێمی ئێران سیاسه‌تێکی پیاده‌کردووه‌، که‌ وڵاته‌که‌ی کردوه‌ به‌ زۆنێکی دابڕاو له‌دونیا. شکاندنی مافی مرۆڤ، گرتنو خستنه‌زیندانو له‌سێداره‌دان بۆته‌ ڕۆتینێک له‌ ئێرندا. ئیمڕۆ هه‌واڵی له‌سێداره‌دانی پێنج زیندانی سیاسیی کوردمان پێگه‌یشت. ئێمه‌ له‌لایه‌ن کۆمه‌ڵه‌ی سۆسیالدیموکراتی کوردی له‌ یۆته‌بۆری ئه‌و کاره‌ دڕندانه‌یه‌ به‌توندی مه‌حکوم ئه‌که‌ین، وه‌ داوا له‌ وڵاتانی جیهان، ڕێکخراوی ئه‌منستی، نه‌ته‌وه‌ یه‌کگرتووه‌کانو تێکڕای ڕێکخراوه‌کان ئه‌که‌ین که‌ فشار بخه‌نه‌ سه‌ر ڕژێمی ئێران بۆ وه‌ستاندنی ئه‌و کارانه‌.

 

 

 

تێرۆر کردنی ڕۆژنامه‌نوس سه‌رده‌شت عوسمان مه‌حکوم ئه‌که‌ین


کۆمه‌ڵه‌ی سۆسیالدیموکراتی کوردی  تێرۆرکردنی ڕۆژنامه‌نوس سه‌رده‌شت عوسمان مه‌حکوم ئه‌کات، که‌ له‌ڕۆژی 3 ی مایدا له‌ زانکۆی سه‌لاحه‌دینی شاری هه‌ولێر ڕفێنرا وه‌ له‌ 5 ی مایدا به‌کوژراوی دۆزرایه‌وه‌. ئه‌م کاره‌ قێزه‌وه‌نه‌ له‌ دژی ئازادیی وشه‌و ڕاده‌ربڕین کراوه‌، بۆیه‌ داوا ئه‌که‌ین که‌ به‌رپرسانی حکومه‌ت لێکۆڵینه‌وه‌ بکه‌ن و بکه‌رانیش
بدرێن به‌ دادگا.


 

 

یه‌کی ئایاری 2010

یادی یه‌کی ئایاری ئه‌مساڵ، وه‌کو پار بریتیبوو له‌ دوو به‌ش. به‌شی یه‌که‌م له‌ نێوان کاتژمێر 11 تا 13 له‌ سه‌نته‌ری ئه‌نگرێد به‌هاوکاری کۆمه‌ڵه‌ سۆسیالدیموکراته‌کانی ئه‌نگرێد سازکرا. یاده‌که‌ به‌ ئاهه‌نگی گۆرانی و مۆسیقا سازکرا، هه‌روه‌ها گوڵ و بڵاوکراوه‌ی حیزب دابه‌شکرا. وتاری یاکی ئایار له‌ لایه‌ن به‌ڕێزان شادیه‌ حیدری و ماتییاس یۆنسۆنه‌وه‌ (دوو کاندیدی حیزب بۆ پارله‌مان، له‌ ئه‌نگرێد ئه‌ژین) خوێنرایه‌وه‌. له‌ کۆتاییدا به‌ پاس ئه‌ندامان گواسترانه‌وه‌ بۆ شار بۆ به‌شداریکردنیان له‌ ڕێپێوان و ئاهه‌نگی یه‌کی ئایار.

ئه‌ندامانی کۆمه‌ڵه‌که‌مان به‌ هاوکاری له‌گه‌ڵ کۆمه‌ڵه‌کانی تر له‌ ژێر دروشمی (کۆمیته‌ی هاوکاریی کۆمه‌ڵه‌ کوردیه‌کان) به‌شداریان کرد له‌ ڕێپێوانه‌که‌دا. وه‌ وه‌ک هه‌مووساڵێک به‌ئاڵای کوردستان له‌ ناو کۆمه‌ڵی ئاڵای ئینته‌رناسیونالدا. ڕێپێوانه‌که‌ له‌ مه‌یدانی ئاسن Järn torget وه‌ ده‌ستیپێکرد تا یۆته‌پلاتسن، وه‌ وتاری یه‌کی ئایاری یۆته‌بۆری له‌لایه‌ن سه‌رۆکی سه‌ندیکاکانی کرێکارانی سوید به‌ڕێز ڤانیا لوندبی ڤێدینه‌وه‌ خوێنرایه‌وه‌.  4100 که‌س به‌شداریکرد له‌ ڕێپێوانه‌که‌دا.

ده‌نگدان له‌ کوردستان

باڵیۆزخانه‌ی سوید له‌ به‌غدا ئاگاداری هاولاَتیانی سویدی ده‌كات له‌ عیراق ده‌رباره‌ی هه‌ڵبژاردنی ‏په‌رله‌مان (‏Riksdag‏) و ئه‌نجومه‌نی شاره‌وانی . هه‌ڵبژاردن له‌ رۆژی یه‌كشه‌م به‌رواری 19 مانگی ‏ئه‌یلول 2010 له‌ سوید ئه‌نجام ده‌درێت. هاولاتیانی سویدی له‌ عیراق ده‌توانن پێش ئه‌و به‌رواره‌ له‌م ‏شوێنانه‌ ده‌نگ بده‌ن كه‌ لای خواره‌وه‌ دیاریكراوه‌:‏

به‌غدا: ده‌نگدان له‌ باڵوێزخانه‌ی سوید له‌ به‌رواری 26 ئاب- تاكو 12 ئه‌یلول كاتژمیّر 10:00-‏‏:12:00 سه‌رله‌به‌یانی هه‌موو رۆژیك ته‌نها رۆژی هه‌ینی و شه‌ممه‌ نه‌بێت ئه‌نجام ده‌درێت.‏

هه‌ولێر: ده‌نگدان له‌ كۆنسوڵگه‌ری فه‌خری سوید له‌ به‌رواری 5- ئه‌یلول – 6 ئه‌یلول له‌ كاتژمێر ‏‏14:00-17:00 ئێواره‌ ئه‌نجام ده‌درێت .‏

سلێمانی: ده‌نگدان له‌ هوتێل سلێمانی پالاس له‌ به‌رواری 7 ئه‌یلول له‌ كاتژمێری 14:00 – 17:00 ‏ئێواره‌ و به‌رواری 8 ئه‌یلول له‌ كاتژمێری 09:00 – 12:00 سه‌ر له‌ به‌یانی و كاتژمێری 14:00 - ‏‏17:00 ئێواره‌ له‌ هه‌مان رۆژ ئه‌نجام ده‌درێت.‏

‏ بۆ زانیاری زیاتر ده‌رباره‌ی ده‌نگدان په‌یوه‌ندی بكه‌ به‌ ماڵپه‌ری باڵوێزخانه‌ی سوید :‏
www.swedenabroad.se /
Baghdad.

زانیاری په‌یوه‌ندیكردن:‏
باڵیۆزخانه‌ی سوید له‌ به‌غدا‏
ت:‏
00964 7700897015
E-mail: ambassaden.bagdad@foreign.ministry.se
 
وونکردنه‌وه‌یه‌ک له‌ڵایه‌ن کۆمه‌ڵه‌که‌مانوه‌ سه‌باره‌ت ڕۆژنامه‌ی "ئاوێنه‌" و "چاودێر"

ڕوونکردنه‌وه‌یه‌ک له‌ لایه‌ن کۆمه‌ڵه‌ی سۆسیالدیموکراتی کوردی شاری یۆته‌بۆریه‌وه‌

به‌ پێی نوسراوێک که‌ له‌ ڕۆژنامه‌ی "ئاوێنه‌" ی ژماره‌ 239 ڕێکه‌وتی 31 ی ئاب بڵاوکراوه‌ته‌وه‌، نوسراوێک له‌لایه‌ن چه‌ند ئه‌ندامێکی کوردی سۆسیالدیموکراتی سویدی ئاڕاسته‌ی سه‌رکردایه‌تیی حیزبیان کردووه‌، تیایدا ئامۆژگاری حیزب ئه‌که‌ن که‌ بانگهێشتی به‌ڕێز مه‌لا به‌ختیار و یه‌کێتیی نیشتمانی کوردستان نه‌کرێ بۆ کۆمه‌کی حیزب له‌ بانگه‌شه‌ی هه‌ڵبژاردنیدا.

http://awene.com/Direje.aspx?Babet=Hewal&Jimare=8471

هه‌روه‌ها سه‌رکردایه‌تی یه‌کێتیی نیشتمانی کوردستان له‌ڕێگه‌ی ڕۆژنامه‌و سایتی "چاودێر" وه‌ڵامی داوه‌ته‌وه‌:

http://www.cawder.org/yeke.php?besh=Nusraw&perrge=nusraw&nujimare=17346

ئێمه‌ وه‌کو کۆمه‌ڵه‌ی سۆسیالدیموکراتی کوردی له‌ شاری یۆته‌بۆری ڕوونی ئه‌که‌ینه‌وه‌، که‌ وه‌ك کۆمه‌ڵه‌ ئاگاداری نوسراوی وانین، وه‌ ئامۆژگاری وای حیزبمان نه‌کردوه‌. بێگومان له‌م کاته‌دا که‌له‌ گه‌رمه‌ی پرۆسه‌ی بانگه‌شه‌داین، ئه‌ندامانی ڕێکخراوه‌که‌مان به‌کارو چالاکیی بانگه‌شه‌وه‌ خه‌ریکن. وه‌ به‌بڕوای ئێمه‌ هه‌موو ئه‌ندامێکی حیزب ئازاده‌ چۆن له‌ ئاسۆی هه‌ڵبژاردن ئه‌ڕوانێت. ئه‌کرێ ڕاوبۆچوونی جیاواز هه‌بێت، به‌ڵام له‌کۆتاییداسه‌رکه‌وتنی حیزبه‌که‌مان چاکترین خه‌ڵاته‌ وه‌ک به‌ری ماندووبوونمان. ئه‌کرێ له‌ کاتی پرۆسه‌ی بانگه‌شه‌شدا کاری جۆراوجۆر بکرێ که‌ ئه‌نجامی جیاوازی هه‌بێت، به‌ڵام هه‌روه‌ک نه‌ریتی بانگه‌شه‌ی هه‌ڵبژاردن، له‌ پاشدا لێژنه یه‌ک‌ پرۆسه‌که‌ هه‌ڵئه‌سه‌نگێنێ، وه‌ ئه‌ندا‌مانیش ئه‌توانن سه‌رنج و ڕای خۆیان هه‌بێت.

 کۆمه‌ڵه‌ی سۆسیالدیموکراتی کوردی له‌ یۆته‌بۆری

کۆمیته‌ی کارگێڕ 1 ی سێپته‌مبه‌ری 2010

 ڕێگامان تا 19 ی سێپته‌مبه‌ر
کۆمه‌ڵه‌ی سۆسیالدیموکراتی کوردی له‌ یۆته‌بۆری، کۆڕێکی ساز کرد له‌ ژێر ناونیشانی (ڕێگامان تا 19ی سێپته‌مبه‌ر) له‌ ڕۆژی شه‌ممه‌ ڕێکه‌وتی 10 ئه‌پریل، له‌ هۆڵی لانه‌ سه‌ر به‌ ناوه‌ندی کولتورو خوێندنی کوردی..
کۆڕه‌که‌ له‌ سێ بڕگه‌ پێکهاتبوو
 -  بڕگه‌ی یه‌که‌م هاوڕێ کامیل ده‌رباره‌ی مه‌سه‌له‌ی بڕیاری پارله‌مان له‌سه‌ر به‌ جینۆسایدناساندنی کۆمه‌ڵکوژیی ئه‌رمه‌نه‌کان که‌ له‌لایه‌ن تورکیاوه‌ له‌ ساڵی 1915 دا کرا، وه‌ دانپیانه‌نانی ئه‌نفال وه‌ک جینۆساید، که‌ له‌ هه‌ندێ میدیای کوردیدا به‌ شێوێنراو بڵاوکرابیه‌وه‌.
 - بڕگه‌ی ذوه‌م سه‌باره‌ت به‌ سێ هه‌ڵبژاردنی پارله‌مان، پارێزگاو شاره‌وانی ، پرۆسه‌ی ده‌نگدان، هه‌ندێ یاساو ڕێسای بنه‌ڕه‌تی، له‌لایه‌ن ئه‌بو مورادی و شادیه‌ حیدری یه‌وه‌.
 - بڕگه‌ی کۆتایی تیایدا هاوڕێ شادیه‌ حه‌یده‌ری تیایدا باسی له‌ پلانمان بۆ بانگه‌شه‌و گرنگیی به‌شداریی ده‌نگدانی کرد.
 

کۆرسی دوو ڕۆژه‌ بۆ ئه‌ندامان

له‌سه‌ر پێشنیاری ئه‌ندامان کۆرسێکی دووڕۆژه‌ بۆ ئه‌ندامان ڕێکخرا له‌ ڕۆژانی شه‌ممه‌ و یه‌کشه‌ممه‌ ڕێکه‌وتی 24 و 25 ی ئه‌پریل. کۆرسه‌که‌ به‌هاوکاری به‌شی یۆته‌بۆریی حیزب به‌ڕێوه‌چوو.  23 ئه‌ندام به‌شداری کۆرسه‌که‌یان کرد. ئاهه‌نگێکی خێزانانه‌ش له‌ ئێواره‌ی یه‌که‌مدا کرا، تیایدا هونه‌رمه‌ندی کوردی به‌ناوبانگ کاکه‌ فریبورزی که‌ره‌می به‌شداریکرد. کۆرسه‌که‌ له‌ لۆکاڵی ناوه‌ندی کولتورو خوێندنی کوردی کرا.
 

ڕۆژی یه‌که‌م/ شه‌ممه‌  24 ی ئه‌پریل

به‌ڕێوه‌بردن (مامۆستا بودیل ڤێننه‌رشتروێم) به‌ زمانی سویدی

09.30

ناونوس و قاوه‌

09.55

باسێکی کورت ده‌رباره‌ی به‌رنامه‌ی کۆرسه‌که‌

10.00

پێشه‌وایه‌تی و جۆره‌کانی

11.15

میوه‌

11.30

 پێشه‌وایه‌تی، په‌یوه‌ندی و هۆکار

12.30

نانی نیوه‌ڕۆ

13.30

 ته‌کنیکی وه‌لامدانه‌وه‌

14.30

 قاوه‌

15.00

 به‌رده‌وامبوون له‌سه‌ر پێشه‌وایه‌تی

16.30

 خڕکردنه‌وه‌ی باسه‌که‌و کۆتایی

17.30

 ئاهه‌نگێکی کولتوری خنجیله‌ و نانی ئێو‌اره‌

رۆژی دووه/ یه‌کشه‌ممه‌ ڕێکه‌وتی 25 ی ئه‌پریل

12.00

 کێشه‌ و حه‌لکردنی (دیاکۆ)

13.30

 قاوه‌

13.50

 ئاشتی و دیموکراتی (دیاکۆ)

14.30

 ئه‌رکو ڕۆڵی ده‌سته‌ی هه‌ڵبژاردن له‌ کۆمه‌ڵه‌دا (شادیه‌)

14.50

 میوه‌

15.00

 له‌یه‌کدانو که‌مکردنه‌وه‌ی ئیداره‌ی گه‌ڕه‌که‌کان (شادیه‌)

15.30

 کۆتایی

ڕۆژی ژن، هه‌ڵه‌بجه‌ و ئاگری نه‌ورۆز 2010
به‌هاوکاری کۆمه‌ڵه‌که‌مان و کۆمه‌ڵه‌ کوردیه‌کانی شاری یۆته‌بۆری له‌ چوارچێوه‌ی کۆمیته‌ی هاوبه‌شی کۆمه‌ڵه‌کوردیه‌کان ئاهه‌نگ و یاده‌کانی مانگی مارت سازکرا 

رۆژی جیهانیی ژن

کۆمیته‌ی هاوبه‌ش به‌بۆنه‌ی رۆژی جیهانیی ژنه‌وه‌ له‌ ڕۆژی دوشه‌ممه‌ ڕێکه‌وتی 8 ی مارت ئاهه‌نگێکی قه‌شه‌نگی سازکرد،که‌ تیایدا چه‌نده‌ها بڕگه‌ی گۆرانی و مۆسیقا و سه‌مای کوردی تیادابوو. ئاهه‌نگه‌که‌ له‌ هۆڵی خانه‌ی کولتوری عێراقی سازکراو چه‌ند هۆنه‌رمه‌ندێک به‌ ده‌نگیان ئاهه‌نگه‌که‌یان گه‌رمتر کرد.

یادکردنه‌وه‌ی کاره‌ساتی کیمیابارانی هه‌ڵه‌بجه

یادی تێپه‌ڕبوونی 22 ساڵ به‌سه‌ر کاره‌ساتی هه‌ڵه‌بجه‌دا، کۆمیته‌ی کۆمه‌ڵه‌کوردیه‌کان یاده‌که‌ی به‌رزڕاگرت به‌ سازکردنی یادێکی ماته‌مینی که‌ چه‌ند بڕگه‌ی شیعرخوێندنه‌وه‌و شانۆیی و وتاری به‌سود له‌ خۆی گرت، که‌ جێی په‌سه‌ندی ئاماده‌بووان بوون. یاده‌که‌ له‌ڕۆژی 14 ی مارت سازکرا. 

جه‌ژنی ئاگری نه‌ورۆز

کۆمیته‌ی هاوبه‌ش جه‌ژنی ئاگری نه‌رۆزی وه‌ک ئاهه‌نگێکی به‌ربڵاوله‌ گۆڕه‌پانی هیدن له‌ ناوه‌ڕستی شاری یۆته‌بۆریدا سازکرد. ئاهه‌نگه‌که‌ له‌ ڕۆژی 20 ی مارتدا کراو جه‌ماوه‌رێکی زۆری کۆکرده‌وه‌، که‌ له‌سه‌ر ئاوازی گۆرانیو مۆسیقا ی جۆراوجۆری کوردی  سه‌مای جوانیان له‌ ناو گۆڕه‌پانه‌که‌دا ئاکرد.

کۆنگره‌ی ساڵانه 2010

ڕۆژی یه‌کشه‌ممه‌ ڕێکه‌وتی 21 ی فێبرواری، کۆمه‌ڵه‌که‌مان کۆنگره‌ی ساڵانه‌ی خۆی به‌ست. سه‌ره‌تا به‌ڕێزان تانیا قاره‌مان، دارا مسته‌فا وه‌ ڕه‌فیق ئینجیر هه‌ڵبژێردران بۆ دیوان. به‌ڕیز شادیه‌ حیدری باسێکی پێشکه‌شکرد ده‌رباره‌ی که‌مکردنه‌وه‌ی ژماره‌ی یه‌که‌ ئیداریه‌کانی یۆته‌بۆری. باسه‌که‌ سه‌رنجڕاکێش بوو وه‌ پرسیاری نوێی له‌ بیری ئه‌نداماندا بزواند.

له‌پاشدا، ڕاپۆرتی چالاکییه‌کانی 2009 که‌ به‌هه‌ردوو زمانی سویدی و کوردی ئاماده‌کرابوو خوێنرایه‌وه‌و له‌لایه‌ن کۆبوونه‌وه‌که‌وه‌ په‌سه‌ندکرا.هه‌روه‌ها ڕاپۆرتی دارایی و چاودێران خوێنرایه‌وه‌و، کۆنگره‌ به‌ یه‌کده‌نگ بڕیاری ڕووسپیکردنی کاره‌کانی ده‌سته‌ی به‌ڕێوه‌به‌ریی دا.

له‌ خاڵه‌کانی هه‌ڵبژاردندابه‌ڕیز کامیل شامحمد هه‌ڵبژێردرا بۆ سه‌رۆکی کۆمه‌ڵه‌که‌ بۆماوه‌ی یه‌ک ساڵ، هه‌روه‌ها به‌ڕێز موسته‌فا کۆکۆیی هه‌ڵبژێردرا بۆ به‌رپرسی دارایی بۆ ماوه‌ی دووساڵ، هه‌روه‌هابۆ هه‌مان کۆمیته‌ به‌ڕێزان ئه‌بو مورادی و سالح شه‌ره‌فی بۆ دووساڵ و هیوا کاردۆیی و شیلان مجید وه‌ک ئیحتیات بۆ یه‌ک ساڵ هه‌ڵبژێردران. کۆبوونه‌وه‌که‌ به‌سه‌رکه‌وتوویی به‌ تێکڕای خاڵه‌کانیدا چوو وه‌ جێگای خۆشحاڵیی ئه‌ندامه‌کانی بوو. شایانی باسه‌ له‌کۆبوونه‌وه‌که‌دا بڕگه‌یه‌کی تیابوو که‌ ئاهه‌نگێک سازکرابوو به‌بۆنه‌ی ئه‌وه‌ی هاوڕێ کامیل 50 ساڵی پڕکرده‌وه‌.

کۆنگره‌که‌ له‌ لۆکاڵی ناوه‌ندی کولتورو خوێندنی کوردی سازکراو 28 ئه‌ندام ئاماده‌بوو.

ڕپۆرته‌کانی کۆنگره‌:

 - ڕاپۆرتی چالاکییه‌کان (به‌سویدی)
 - ڕپۆرتی چالاکییه‌کان (به‌ کوردی)
 - ڕاپۆرتی دارایی
 - پێسنیاری خاڵه‌کانی کۆبوونه‌وه‌.

   ڕۆژی شه‌ممه‌ ڕێکه‌وتی 26 ی فێبرواری
   کاتژمێر 14.00
   لۆکاڵی ئا بێ ئێف له‌ سپاده‌گاتان 9 (ئه‌نگرێد)

 

 سه‌رۆکی کۆمه‌ڵه‌که‌مان وازیهێنا

ه‌ڕێز سه‌لام ته‌یب په‌یوه‌ندی کرد به‌ کۆمیته‌ی کارگێڕو ده‌سته‌ی هه‌ڵبژاردنی کۆمه‌ڵه‌که‌مان وه‌ پێی ڕاگه‌یاندن که‌ به‌هۆکاری ته‌ندروستی وازئه‌هێنێ له‌ سه‌رۆکایه‌تی. ده‌سته‌ی هه‌ڵبژاردن و کۆمیته‌ی کارگێڕ کۆبوونه‌وه‌یه‌کی نائاسایی ڕێکخست له‌ ڕۆژی 26 ی نۆڤه‌مبه‌ردا وه‌ بڕیاردرا که‌جێگری سه‌رۆک به‌ڕێز نه‌جات فه‌رزا کاری سه‌رۆکایه‌تیی کۆمه‌ڵه‌ بگێته‌ ئه‌ستۆ تا کۆنگره‌ که‌ بڕیاره‌ له‌ شوباتی 2010 دا بگیررێ. هیوای چاکبوونه‌وه‌ی خێرا ئه‌خوازین بۆ هه‌وڕێمان کاکه‌ سه‌لام، وه‌ هیوای سه‌رکه‌وتن بۆ نه‌جات خانم ئه‌خوازین.
 

 

 كۆبوونه‌وه‌ی ئه‌ندامان ڕۆژی شه‌ممه‌ ڕێکه‌وتی 14 ی نۆڤه‌مبه‌ری 2009  

ڕۆژی شه‌ممه‌ ڕێکه‌وتی 14 ی نۆڤه‌مبه‌ری 2009 کۆبوونه‌وه‌ی ئاسایی کۆمه‌ڵه‌که‌ سازکرا. ئه‌دام پارله‌مان به‌ڕێز لارش یوهانسۆن بانگهێشتکرابوو، که‌ له‌به‌ر باری ته‌ندروستییه‌وه‌، نه‌یتوانی ئاماده‌ببێت.
کۆبوونه‌وه‌که‌ ئه‌م خاڵانه‌ی خواره‌وه‌ی گرته‌خۆی:

 - به‌ڕێز سه‌لام سه‌رۆکی کۆمه‌ڵه‌ ڕاپۆرتێکی ده‌رباره‌ی ڕه‌وشی حیزب و کۆمه‌ڵه‌که‌ی باسکرد. له‌ پاشدا وتووێژێکی به‌سوود کرا له‌سه‌ر ئه‌وه‌ی کاری داهاتوومان چی بێت بۆ ئه‌وه‌ی حیزب و کۆمه‌ڵه‌که‌مان له‌ناو ڕه‌وه‌ندی کوردیدا به‌رچاوبکه‌ین.
 - پێشنیاریکردنی کاندید بۆ ئه‌نجومه‌نی شاره‌وانی، پارله‌مان، سه‌رۆکی ئه‌نجومه‌نی گه‌ڕه‌ک.
 - ڕاپۆرتی دارایی
 - ڕاپۆرت و نوسراوه‌کان سه‌باره‌ت به‌ چاودێره‌کانی هه‌ڵبژاردن.
 - پلاندانان بۆ کۆبوونه‌وه‌و کۆنگره‌.

 26 ئه‌ندام ئاماده‌ی کۆبوونه‌وه‌که‌ بوو، که‌ له‌که‌شێکی هه‌ڤاڵانه‌و دیموکراتی به‌ڕێوه‌چوو.

 

ڕوونکردنه‌وه‌یه‌ک سه‌باره‌ت چاودێره‌کانمان له‌ هه‌ڵبژاردنه‌کانی 26 ی ته‌موزی 2009  

زنجیره‌یه‌ک نوسین و به‌رنامه‌ له‌ ڕۆژنامه‌و سایت تیڤیه‌کانی یه‌کێتیی نیشتمانی کوردستانه‌وه‌ بڵاوکرایه‌وه‌ له‌ماوه‌ی 12 تا 14 ئۆکتۆبه‌ری 2009، سه‌باره‌ت به‌وه‌ی که‌ ئه‌و چاودێرانه‌ی که‌ کۆمه‌ڵه‌که‌مان ناردویه‌تییه‌وه‌ بۆ چاودێریی هه‌ڵبژاردنه‌کانی پارله‌مان و سه‌رۆکایه‌تیی کوردستانی 25 ته‌مموز، ساخته‌بوون.  سه‌ره‌ڕای زمانی زبرو شێوازی ناوزه‌دکردن، دوور له‌ پرنسیپی ڕاستی بڵاوکردنه‌وه‌و بێگوێدان و بواردان به‌به‌رامبه‌ر که‌ به‌رگری له‌ خۆی بکات، هێرشی ناڕه‌وایان کرده‌ سه‌ر ئه‌ندامه‌کانمان.
له‌وانه‌:
   -  کوردستانی نوێ، ژماره‌ 4996 ڕۆژی دووشه‌ممه‌ ڕێکه‌وتی 12/10/2009

   -  سایتی پیوک مێدیا
   -   به‌رنامه‌ی گه‌رماو گه‌رم/ گه‌لی کوردستان 13 ی ئۆکتۆبه‌ر
ده‌سته‌ی به‌ڕێوه‌به‌رایه‌تیی کۆمه‌ڵه‌که‌مان، بڕیاریدا که به‌‌ ڕوونکردنه‌وه‌یه‌ک وه‌ڵامی ئه‌و نوسراوانه‌ بداته‌وه‌، وه‌ یه‌که‌مجار بنێردرێ بۆ ڕۆژنامه‌ی کوردستانی نوێ، که‌ یه‌که‌م سه‌رچاوه‌ی ئه‌و زنجیره‌ بڵاوکراوه‌یه‌بوو، به‌مه‌به‌ستی بڵاوکردنه‌وه‌. به‌داخه‌وه‌ کوردستانی نوێ به‌ده‌نگمانه‌وه‌ نه‌هاتن و ئازادیی بڵاوکردنه‌وه‌یان لێره‌دا کورتی هێنا.

به‌سه‌رهاته‌که‌ له‌ دیدی ئێمه‌وه‌: له‌ مانگی ئایاری 2009 دا، کۆمه‌ڵه‌که‌مان په‌یوه‌ندیی ڕاسته‌وخۆی کرد به‌ ناوه‌ندی حیزبه‌وه‌‌، بۆ ناردنی چاودێری حیزب بۆ هه‌ڵبژاردنه‌کان. حیزب ڕوونیکرده‌وه‌ که‌ چاودێر له‌ ناوه‌نده‌وه‌، به‌بڕیاری پارله‌مانی سویدی له‌ڕێی SIDA وه‌ ئه‌نێردری، یان له‌ ڕێکخراوی سۆسیالیست ئینته‌رناشناڵه‌وه‌. دوابه‌دوای ئه‌و بڕیاره‌، بیر کرایه‌وه‌ له‌وه‌ی که‌ کۆمه‌ڵه‌که‌مان خۆی چاودێر بنێرێ، بۆ ئه‌م مه‌به‌سته‌ له‌ کۆمیسیۆنی باڵای هه‌ڵبژاردنه‌کانی عێراق پرسیار کرا، وه‌ زانرا که‌ ڕێکخراوه‌که‌مان وه‌ک هه‌موو ڕێکخراو‌ێکی جه‌ماوه‌ریی ده‌ره‌وه‌، ئه‌توانێ چاودێر بنێرێ. بۆ ئه‌م مه‌به‌سته‌ کۆمه‌ڵه‌که‌مان بڕیاریدا که‌ چوار ئه‌ندامی خۆبه‌خش بنێرێ، که‌ تێکڕای مه‌سره‌فیان له‌سه‌ر خۆیان بێت.
کۆمیسیۆنی ناوبراو، به‌ دوو نامه‌ی کۆمه‌ڵه‌که‌مان (یه‌کیان به‌سویدی، یه‌کیان به‌ ئینگلیزی)، چوار ئه‌ندامه‌که‌مانی به‌ چاودێر په‌سه‌ند کردو، دوای پرۆسه‌ی فێرکردن، باجیان وه‌رگرت و کاری خۆیان ئه‌نجاندا. چاودێره‌کان سه‌ردانی چه‌نده‌ها بنکه‌ی هه‌ڵبژاردنیان کرد، له‌ شاری جیاواز. له‌ کۆتاییدا ڕاپۆرتێکیان نوسی، که‌ له‌دیدی خۆیانه‌وه‌ پرۆسه‌که‌یان هه‌ڵسه‌نگاند، وه‌دایان به‌ کۆمیسیۆن.
له‌ نوسراوه‌کانی یه‌کێتیی، که‌ له‌سه‌ره‌وه‌ ناوبراون، باس له‌وه‌ ئه‌کرێت که‌ چاودێره‌کان ساخته‌ن له‌به‌ر ئه‌وه‌ی که‌ وایان پیشانداوه‌ که‌ له‌ لایه‌ن حیزبی سۆسیالدیموکراته‌وه‌ هاتوون، به‌ڵام وا ده‌رنه‌چووو. ئێمه‌ش له‌وه‌ڵامدا باسمان کردوه‌ که‌ نامه‌کانی بۆ کۆمیسیۆن  چوه‌ ده‌ریئه‌خات که‌ ئه‌و به‌ڕێزانه‌ له‌لایه‌ن کوێوه‌ نێردراون.

  بۆ خوێندنه‌وه‌ی وه‌ڵامه‌که‌مان کلیکی ئێره‌ بکه‌.

شاندێکی مه‌ڵبه‌ندی که‌رکوکی ی ن ک  

له‌ئه‌نجامی‌ بانگهێشتی کۆمه‌ڵه‌ی سۆسیالدیموکراتی کوردی له‌ یۆته‌بۆری، مه‌ڵبه‌ندی یۆته‌بۆریی حیزبی سۆسیالدیموکرات، ABF ی یۆته‌بۆری وه‌ کۆمه‌ڵه‌ی ئاشتی و دیموکراتی بۆ که‌رکوک، شاندێکی سه‌ر به‌ مه‌ڵبه‌ندی که‌رکوکی (ی ن ک) گه‌یشتنه‌ وڵاتی سوید له‌ ڕۆژی 30 ی سێپته‌مبه‌ری 2009 دا. شانده‌که‌ بریتیبوون له‌م به‌ڕیزانه‌:

1- دلێر عبدالقادر عمر (جێگری به‌رپرسی مه‌ڵبه‌ند)
2-
نه‌به‌ز عبدالرحمن عبدالمجید (به‌رپرسی ئامار)
3-
یاسین محمود بیبانی (به‌رپرسی خوێندن)
4-
عبدالرحمن عبدالله‌ بیبانی (به‌رپرسی ڕێکخستن)

 شانده‌که‌ له‌ ماوه‌ی مانه‌وه‌یدا له‌ شاره‌که‌مان زنجیره‌یه‌ک دیدارو  سه‌ردان و وتووێژی له‌گه‌ڵ به‌رپرس و گروپی جیای شاره‌که‌مان کرد، له‌وانه‌:

** سه‌ردانی مه‌ڵبه‌ندی یۆته‌بۆریی حیزبی سۆسیالدیموکرات. 30 سێپته‌مبه‌ر
** سه‌ردانی سه‌نیکای میتاڵ و وتووێژ له‌گه‌ڵ لێپرسراوانی سه‌ندیکاکه‌. 1 ی ئۆکتۆبه‌ر کاتژمێر 14.00
**  دیدار له‌گه‌ڵ ئه‌ندامانی کۆمه‌ڵه‌ی سۆسیالدیموکراتی کوردی له‌ یۆته‌بۆری 1 ی ئۆکتۆبه‌ر کاتژمێر 18.00
** دیدارو وتووێژ له‌گه‌ڵ به‌رپرسی ڕێکخراوی
ABF ی یۆته‌بۆری. 3 ی ئۆکتۆبه‌ر 10.00
** سازکردنی کۆڕێک بۆ کوردانی شاری یۆته‌بۆری ده‌رباره‌ی (بارودۆخی شاری که‌رکوک و ماه‌دی 140) 4 ی ئۆکتۆبه‌ر.

 

 که‌رنه‌ڤاڵی هاممه‌رکولله‌ن 2009  

له ڕۆژه‌کانی گێڕانی که‌رنه‌ڤاڵی
هاممه‌رکولله‌دا، ئه‌ندامانی کۆمه‌ڵه‌که‌مان هاوکاری هاڕێیانی حیزبیان کرد به‌ دابه‌شکردنی بڵاوکراوه‌ی حیزب له‌مه‌ڕ هه‌ڵبژاردن و هه‌روه‌ها ویووێژ له‌گه‌ڵ خه‌ڵکدا. که‌رنه‌ڤاڵی هاممه‌رکولله‌ ئه‌مساڵ له‌ ڕۆژه‌کانی 29 تا 31 ی مای سازکرا، وه‌ ئه‌مه‌ ساڵی 34 هه‌مینه‌ که‌ ئه‌م که‌رنه‌ڤاڵه‌ سازئه‌کرێ، وه‌ ئێستا بۆته‌ گه‌وره‌ترین که‌رنه‌ڤاڵی سوید بی هاوشان. شایانی باسه‌ که‌رنه‌ڤاڵی ئه‌مساڵ له‌لایه‌ن به‌ڕێز خاتو مۆناسالین، سه‌رۆکی حیزبه‌وه‌ کرایه‌وه‌.

 هه‌ڵمه‌تی هه‌ڵبژاردن له‌ ئه‌نگرێد 26 مای 2009 

ئاستی چالاکیه‌کانی هه‌ڵمه‌ته‌کانی هه‌ڵبژاردنی پارله‌مانی یه‌کێتیی ئه‌وروپا، تا بێت به‌رزترئه‌کرێت. ئه‌ندامه‌کانی کۆمه‌ڵه‌که‌مان چالاکن له‌م بواره‌داو، ڕۆژانه‌ به‌شداریی ئه‌که‌ن له‌ وێستگه‌کانی حیزبمان له‌ جێ جیاجیاکانی شار. هه‌ر له‌ چوارچێوه‌ی ئه‌م هه‌ڵمه‌ته‌دا، ڕۆژی سێشه‌ممه‌ ڕێکه‌وتی 26 ی مای، هه‌ندێک له‌سیساتمه‌داره‌ ناسراوه‌کانی حیزب گه‌یشتنه‌ ئه‌نگرێد، بۆ ئه‌وه‌ی له‌گۆڕه‌پانی ئه‌نگرێددا چاویان به‌ خه‌ڵک بکه‌وێت.
له‌و انه‌ خاتو ئه‌ننه‌لیی هولتێن، سه‌رۆکی شاره‌وانی یۆته‌بۆری، مۆنا سالین، سه‌رۆکی حیزب، یان ئێلیاسۆن، وه‌زیری ده‌ره‌وه‌ی پێشووی سوید، باڵوێزی سویدی نه‌ته‌وه‌یه‌کگرتوه‌کان، وه‌ هه‌روه‌ها به‌ڕێز ئولله‌ لودڤیگسۆن، کاندیدی ژماره‌ 2 ی حیزب. یان ئێلیاسۆن باسی له‌گرنگیی ده‌نگدان کرد، هه‌روه‌ها گرنگیی هاڵبژاردنی سۆسیالدیموکرات، بۆ به‌رزکردنه‌وه‌ی ئاستی ژماره‌ی به‌ره‌ی حیزبه‌ سۆسیالدیموکراته‌کان له‌ پارله‌مانی ئه‌وروپادا، چونکه‌ تا ئه‌مڕۆ فراکسیۆنی لیبڕاڵه‌کان گه‌وره‌ترن.
مۆنا سالین، سه‌رۆکی حیزبی سۆسیالدیموکرات، جه‌ختی له‌سه‌ر گرنگیی به‌شداربوونی ده‌نگدان کرد. مۆنا یادی ئۆلۆف پاڵمه‌ و ئاننا لیندی بیری  گوێگران خسته‌وه‌، ئه‌و دوو شه‌هیده‌،که‌ خه‌باتیان له‌پێناوی یه‌کسانی له‌ تێكرای جیهاندا کردوه‌، وه‌ ئێمه‌ش ئه‌بێ خه‌بات بکه‌ین بۆ به‌رده‌وامیی په‌یامه‌که‌یان.
جێی باسه‌، که‌ له‌م کۆبوونه‌وه‌یه‌دا، تیپی هه‌ڵپه‌ڕکێی لاوانی کۆمه‌ڵه‌ی کوردی له‌ یۆته‌بۆری، به‌ چه‌ند تابلۆیه‌کی سه‌مای کوردی به‌شداری کرد. هه‌روه‌ها تیپی هیپ هۆپی
Middlesex به‌شداریکرد به‌ چه‌ند گۆرانیه‌ک.

خولی خوێندن ده‌رباره‌ی پارله‌مانی ئه‌وروپا 
خولێکلی خوێندن ده‌رباره‌ی پارله‌مانی ئه‌وروپاو هه‌ڵبژاردنه‌کان بۆ پارله‌مانی ئه‌وروپا، به‌ڕێوه‌چوو، ئه‌م خوله‌، که‌ 9 ئه‌ندام به‌شداریکرد له‌ ڕۆژانی پێنج شه‌ممان کاژێر 18 (شه‌شی پاشنیوه‌ڕۆ) ، بۆ ماوه‌ی سێ جار به‌رده‌وام بوو.
لۆکاڵ: ناوه‌ندی کولتورو خوێندنی کوردی
پێنجشه‌ممان کاتژمێر 18.00

خۆپیشاندانه‌کانی 1 ی ئایار له‌ ئه‌نگرێد و یۆته‌بۆری 2009 


له‌یه‌کی ئایاری ئه‌مساڵدا، کۆمه‌له‌که‌مان به‌دوو خۆپیشاندان به‌شداریکرد. به‌هاوکاری له‌گه‌ڵ کۆمه‌ڵه‌ کولتوریه‌ کوردیه‌کان، به‌شداریی خۆپیشاندانی 1 ئایار کرا له‌ ئه‌نگرێد. ئه‌م چالاکیه‌ له‌ ڕێکخستنی سۆسیالدیموکراته‌کانی ناوچه‌کانی ئه‌نگرێد بوو. خاتوو ئه‌ننا یوهانسۆن، سه‌رۆکی سۆسیالدیموکراته‌کان له‌ یۆته‌بۆری وتاری 1 ئایاری خوێنده‌وه‌. تیپی هه‌ڵپه‌ڕکێی کۆمه‌له‌ی کوردی له‌ یۆته‌بۆری به‌شداریی کرد به‌ چه‌ند تابلۆیه‌کی سامه‌ی کوردی، که‌ جێی سه‌رنج و خۆشیی خه‌ڵکه‌که‌بوو. ڕۆژێکی هه‌وای خۆش، وه‌ چالاکیه‌کی ڕێکوپێک، وه‌ک جه‌ژنێک وابوو بۆ سۆسایلدیموکراته‌کانی ئه‌نگرێد.
له‌پاشدا، به‌ ئۆتۆبوس به‌شداران گواسترانه‌وه‌ بۆ ناو شار بۆ به‌شداریکردن له‌ خۆپیشاندانه‌کانی که‌ حیزب له‌گه‌ڵ یه‌کێتیی سه‌ندیکاکان رێکی خستبوو. خۆپیشاندانه‌کان له
Järntorgetوه‌ ده‌ستی پێکرد، وه‌ لهGötaplatsenکۆبوونه‌وه‌. Sofi Bringsaas لاوانی سۆسیالدیموکراته‌کانی یۆته‌بۆری، Annelie Hultén سه‌رۆکی ئانجومه‌نی شاره‌وانی و Olle Ludvigsson  کاندیدی پارله‌مانی ئه‌وروپا وتاریان خوێنده‌وه‌. نزیکه‌ی 2300 خۆپیشانده‌ر به‌شداری کرد له‌ڕێپێوانه‌که‌دا، وه‌ نزیکه‌ی 6500 که‌س گوێبیستی وتاره‌کان بوون

کۆبوونه‌وه‌ی ئه‌ندامانی 26 ی ئه‌پریل 2009  

ڕۆژی یه‌کشه‌ممه‌ ڕێکه‌وتی 26 ی ئه‌پریل، کۆبوونه‌وه‌یه‌کی ئه‌ندامان به‌سترا. له‌ کۆبوونه‌وه‌که‌دا سێ بابه‌تی سه‌ره‌کی تیادا باسکرا:

بابه‌تی یه‌که‌م: لاوان و ڕێکخراوی لاوانی سۆسیالدیموکرات
به‌ڕێز محمد علی ته‌ها، سه‌رۆکی رێکخراوی لاوانی سۆسیالدیموکراتی
Kungälv، باسێکی سه‌رنج ڕاکێشێ ده‌رباری کارکردن له‌ ڕێکخراوی لاوانی سۆسیالدیموکرات، به‌تایبه‌تی وه‌ک کوردێک. محمد که‌ خۆی کوی ئه‌ندامێکی کۆنی کۆمه‌ڵه‌که‌مانه‌، ئاماژه‌ی بۆ گرنگیی به‌شداربوونی لاوانی کرد له‌ پرۆسه‌ی سیاسیدا. هه‌روه‌ها کارکردن بۆ ڕاکێسانی لاوان بۆ ناو حیزب، که‌ بڕبڕه‌پشتی حیزب و دواڕۆژی حیزبن.

بابه‌تی دووه‌م: هه‌ڵبژاردنی پارله‌مانی ئه‌وروپا
میوانی کۆبوونه‌وه‌که‌ به‌ڕێز 
Olle Ludvigsson، کاندیدی سۆسیالدیموکراته‌کان بۆ پارله‌مانی ئه‌وروپا، سه‌ره‌تا کورته‌باسێکی له‌ ژیانی خۆی کرد، که‌ له‌ خێزانێکی دورگه‌یه‌کی بچوکه‌وه‌ هاتوه‌ که‌ خه‌ریکی ڕاوه‌ماسی بوون. پاشان باسی له‌ کاری سه‌ندیکایی خۆیی باسکرد، هه‌ر له‌ سه‌ره‌تاو تا ئه‌وکاته‌ی که‌ وه‌ک کرێکارێک، بۆته‌ لێپرسراوی سه‌ندیکای کریکارانی کارگه‌ی ڤــۆڵــڤــۆ.

بابه‌تی سێیه‌م: سیگارکێشان، گرفتی ته‌ندروستیی کۆمه‌ڵ
 به‌ڕێز فه‌ره‌یدون مورادی کارمه‌ند له‌
Rökfri Zon Nordost‌ باسێکی به‌سودی پێشکه‌شکرد ده‌رباره‌ی زیانه‌کانی سیگارکێشان، وه‌ هۆکاره‌کانی سه‌ختیی وازهێنان. به‌ڕێز فه‌ره‌یدون وه‌ک پسپۆڕێک له‌و بواره‌دا، باسی له‌جۆره‌ها ڕێگه‌ی وازهێنای کرد، که‌ له‌ که‌سێکه‌وه‌ بۆ که‌سێکی تر ئه‌گۆڕێت. وه‌ بۆ مه‌به‌ستی یارمه‌تی ئه‌توانن په‌یوه‌ندی به‌ و بنکه‌یه‌وه‌ بکه‌ن که‌ کاری لێئه‌کات.

26 ئه‌ندام ئاماده‌ی کۆبوونه‌وه‌که‌ بوو که‌ له‌ کاتژمێر 12 تا 3 ی پاشنیوه‌ڕۆ به‌رده‌وامبوو له‌ لۆکاڵی ABF له‌ ئه‌نگرێد. جگه‌ له‌و بابه‌تانه‌ی سه‌ره‌وه‌، ئه‌م بابه‌ته‌نی خواره‌وه‌ش باسکرا:

 - خۆپیشاندانی 1 ی ئایار
 - که‌رنه‌ڤاڵی هاممه‌رکولـلـه‌ن
 - هه‌ڵبژاردنی پارله‌مانی ئه‌وروپا
 - چالاکیی تر

کۆنگره‌ی ساڵانه‌ی 2009


کۆمه‌ڵه له‌ ڕۆژی شه‌ممه‌ ڕێکه‌وتی 28 ی شوباتی 2009 ‌ کۆنگره‌ی خۆی گرت له‌ لۆکاڵی
ABF له‌ ئه‌نگرێد. به‌ڕێز خاتو ئه‌ننه‌لیی هولتێن، سه‌رۆکی شاره‌وانی یۆته‌بۆری میوانی کۆنگره‌بوو. له‌سه‌ره‌تای کۆبوونه‌وه‌که‌دا، دوای هه‌ڵبژاردنی هاوڕێیان تانیا، دارا و کامیل بۆ دیوان، له‌پاشدا به‌بۆنه‌ی تێپه‌ڕبوونی 15 ساڵ به‌سه‌ر کۆمه‌له‌دا، کۆمه‌ڵێک وێنه‌ به‌ شێوه‌ی کورته‌ فیلمێک پیشاندرا که‌ باس له‌ چالاکیه‌ جۆراوجۆره‌کانی ئه‌کرد له‌م ماوه‌یه‌دا. دوایی خاتوو ئه‌ننه‌لیی، دوای کورته‌باسێک له‌سه‌ر دۆخی جیهان و سوید و حیزب، هاته‌ سه‌ر باسی سیاسه‌تی به‌ڕێوه‌بردبی شاری یۆته‌بۆری، وه‌ ئه‌و هه‌نگاوانه‌ی که‌ به‌ بیری پارتی گرنگه‌ بڕیاری له‌سه‌ر بدرێ بۆ خزمه‌تگوزاری خه‌ڵکی. ئه‌ندامان پرسیاری سودمه‌ندو جیاوازیان کرد که‌ ئه‌ننه‌لیی به‌خۆشحاڵیه‌وه‌ وه‌ڵامی دانه‌وه‌. بڕگه‌کانی تری کۆنگره‌که‌، بریتی بوو ىڕیاردان له‌سه‌ر ڕاپۆرتی چالاکی و دارایی ساڵی 2008، که‌ دوای پێداچونه‌وه‌و چه‌ند ڕاستکردنه‌وه‌یه‌ک په‌سه‌ندکرا.دوای خوێندنه‌وه‌ی ڕاپرتی چاودێران، کۆنگره‌ بڕیاری دا له‌سه‌ر پێشنیاری چاودێران له‌سه‌ر ڕوو سپیکردنی کۆمیته‌ی کارگێڕ بۆ کاره‌کانیان له‌ ماوه‌ی ساڵی ڕابوردوودا، به‌ پێشچاوگرتنی چه‌ند خاڵێک. له‌پاشدا کۆنگره‌ هاته‌ سه‌ر بڕگه‌ی هه‌ڵبژاردنه‌کان، وه‌ بڕیاردرا که‌ به‌ڕێز کاک سه‌لام ته‌یب دووباره‌ هه‌ڵببژێردرێته‌وه‌ به‌ سه‌رۆکی کۆمه‌ڵه‌ بۆ دووساڵ. له‌دواییدا هه‌ڵبژاردنه‌کانی تر کران. کۆمیته‌ی کارگێڕ میوانداریی خواردنی ئه‌ندامانی کرد وه‌ کۆبوونه‌وه‌که‌ به‌شێوه‌یه‌کی سه‌رکه‌وتوانه‌ و له‌ که‌شێکی ئاشتیانه‌‌ و ئاماده‌بووان به‌ گیابێکی هاوڕێیانه‌و کۆنگره‌که‌یان گێڕا.

 


سه‌ردانی شاندێکی ی ن ک نۆڤه‌مببه‌ری 2008

له‌‌سه‌ر بانگهێشتنی به‌شی یۆته‌بۆریی پارتی سۆسیالدیموکرات و ڕێکخراوی ABF ی یۆته‌بۆری، له‌ چوارچێوه‌ی پڕۆژه‌یه‌کی هاوبه‌شدا، شاندێکی یه‌کێتی نیشتمانی کوردستان سه‌ردانی سویدیان کرد له‌ ماوه‌ی 10 ڕۆژدا له‌ 24 ی نۆڤه‌مبه‌ره‌وه‌. شانده‌که‌ بریتی بوون له‌ به‌ڕێزان به‌رزان ئه‌حمه‌د کورده‌ سه‌رۆکی مه‌ڵبه‌ندی یه‌ک، نوخشه‌ خانم جێگری سه‌رۆکی ژنانی کوردستان، باخان بورهان جێگری سه‌رۆکی یه‌کێتی خوێندکاران، سه‌ردار ڕه‌شید سه‌رۆکی سه‌ندیکای کرێکاران، نیاز عه‌لی سه‌عید لێپرسراوی په‌یمانگای کادیران وه‌ به‌ڕێز ئه‌نوه‌ر سالح کارگێڕی مه‌ڵبه‌ندی یه‌ک.

خشته‌ی سه‌ردانه‌کانی شانده‌که
سێشه‌ممه‌ 25 ی نۆڤه‌مبه‌ر
سه‌ردانی مه‌ڵبه‌ندی یۆته‌بۆریی سۆسیال دیموکراته‌مان، له‌لایه‌ن به‌ڕێز خاتو ئه‌ننا یوهانسۆن (سه‌رۆکی لقی یۆته‌بۆریی حیزب)، وه‌ به‌ڕێز کلاس ڤێنبێری کارگێڕی لقه‌وه‌ پێشوازی کران.
سه‌ردانی سه‌ندیکای کرێکاران، له‌لایه‌ن ئه‌ندرش نیلسۆن (سه‌رۆکی سه‌ندیکا له‌ یۆته‌بۆریی) پێشوازی کران.
سه‌ردانی ئه‌نجومه‌نی شاره‌وانی یۆته‌بۆری
سه‌ردان و خوانی ئێواره‌ له‌گه‌ڵ کۆمه‌ڵه‌ی سۆسیال دیموکراتی یۆته‌بۆری، له‌لایه‌ن به‌ڕێز سه‌لام ته‌یب (سه‌رۆکی کۆمه‌ڵه‌وه‌) پێشوازی کران.

چوارشه‌ممه‌ 26 نۆڤه‌مبه‌ر
سه‌ردانی پارله‌مانی سوید له‌ ستۆکهۆڵم ، له‌لایه‌ن به‌ڕێز لارش یوهانسۆن، ئه‌ندامی پارله‌مانه‌وه‌ پێشوازی کران.

پێنجشه‌مه‌ 27 ی نۆڤه‌مبه‌ر
سه‌ردانی باره‌گای پارتی سۆسیال دیموکراتی سوید و چاوپێکه‌وتنی به‌ڕێز کلاس نوردمارک.

هه‌ینی 28 ی نۆڤه‌مبه‌ر
سه‌ردانی پڕۆژه‌ی یۆته‌بۆری

شه‌ممه‌ 29 ی نۆڤه‌مبه‌ر
چاوپێکه‌وتنی به‌ڕێز ئه‌ننه‌لیی هوڵتێن، سه‌رۆکی ئه‌نجومه‌نی شاره‌وانی یۆته‌بۆری.

شایانی باسه‌ لێپرسراوی ڕاسته‌وخۆی سه‌ردانی ئه‌م شانده‌ به‌ڕیز ڕه‌زا تالیبی بوو. 

 کۆبوونه‌وه‌ی ئه‌ندامان 20 ی سێپته‌مبه‌ری 2008


هه‌ردوو به‌ڕێز Claes Nordmark سکرتێری سیاسیی حیزب له‌ پارێزگای ستۆکهۆڵم،  وه Claes Wennberg نماینده‌ی یه‌که‌می حێزب له‌ یۆته‌بۆری میوانی کۆبوونه‌وه‌ی ئه‌ندامانی ڕۆژی شه‌ممه‌ی 20 ی سێپته‌مبه‌ری  کۆمه‌ڵه‌که‌مان بوون. ئه‌م دوو به‌ڕێزه‌ دۆستی دۆزی کوردین، وه‌ له‌ مانگی مای 2008 دا له‌گه‌ڵ شاندێکدا سه‌ردانی کوردستانیان کردوه‌، به‌ مه‌به‌ستی په‌یوه‌ندیکردن له‌نێوان حیزبی سۆسیال دیموکراتی سوید وه‌ یه‌کێتی نیشتمانی کوردستان که‌ وه‌ک حیزبی ده‌سته‌خوشک حیساب ئه‌کرێت، سه‌ر به‌ هه‌مان ڕێکخراوی سۆسیالیست ئینته‌رناسیونالن.
Claes Wennberg باسی له‌وه‌ کرد که‌ بارودۆخی کوردستان جیاوازبوو له‌وه‌ی که‌ له‌میدیاکانه‌وه‌ باسئه‌کرێت له‌سه‌ر عێراق، له‌باره‌ی ناجێگیریو شلۆقیه‌وه‌. ده‌رباره‌ی سیسته‌می به‌ڕێوه‌بردنه‌وه‌ باسی ئه‌وه‌یکرد که‌ جیاوازیی هه‌یه‌ له‌نێوان ئه‌وێ و سوید، چونکه‌ لێره‌ حیزب ده‌زگای ده‌وله‌تی به‌ده‌سته‌وه‌ نیه‌، به‌ڵکو بڕیاری یاسایی ئه‌دات. هه‌روه‌ها کاتێك که‌ ئاماده‌ی ده‌وره‌یه‌کی کادرپێگه‌یاندنی یه‌کێتی بوون، بینیان که‌ ڕۆڵی ژن له‌ پرۆسه‌ی بڕیاری سیاسیدا زۆر لاوازه‌. Claes Nordmark که‌ سه‌رۆکی ڕێکخراوی حیزبه‌ بۆ ثشتگیریی له‌ کورد، سه‌ره‌تا باسی هۆکاری سه‌رگه‌رمیی خۆیی کرد بۆ مه‌سه‌له‌ی کورد. کلاس وتی که‌ له‌ ماوه‌ی سه‌ردانێکیدا بۆ تورکیا وه‌ک خوێنکار، به‌ر له‌ چه‌ندساڵێک، تێگه‌یشت که‌ چۆن ڕژێمی تورکیا به‌خراپی مامه‌ڵه‌ له‌گه‌ڵ دۆزی کوردیو کورده‌کان ئه‌کات. کلاس له‌ باره‌ی گه‌شته‌که‌یه‌وه‌، باسی له‌وه‌کرد که‌ به‌هۆی باری ئابوریی باشه‌وه‌، کوردستان له‌ گه‌شه‌و بیناسازیدایه‌. هه‌روه‌ها جگه‌ له‌ ڕێبه‌رانی یه‌کێتی نیشتمانی له‌ شاره‌کانی هه‌ولێرو سڵێمانی، ڕێبه‌رانی حیزبی تری کچاو پێکه‌وتوه‌. كلاس باسی له‌وه‌شکرد که‌ به‌شی ناوچه‌ی حیزب له‌ ستۆکهۆڵم له‌گه‌ڵ سه‌نته‌ری ئولۆف ثاڵمه‌دا خه‌ریکی به‌جێهێنانی پڕۆژه‌یه‌کن، بۆ  کردنه‌وه‌ی ده‌وره‌یه‌ک بۆ کادرانی یه‌کێتی له‌ کوردستان بۆ کاری سیاسی و جه‌ماوه‌ریو،  میکانیزمی خستنه‌گه‌ڕی هه‌ڵمه‌تی هه‌ڵبژاردن. له‌به‌شی پرسیاری ئه‌نداماندا، زۆر له‌ئه‌ندامان پرسیاریان کرد وه‌ وتووێژێکی سودمه‌ند هاته‌کایه‌وه‌. له‌پاش به‌شی میوانه‌کان که‌ جێی خۆشیو ڕه‌زامه‌ندیی ئاماده‌بووان بوو، سوپاسکران، وه‌ بڕگه‌کانی تری کۆبوونه‌وه‌که‌ تاوتوێکرا. شایانی باسه‌ زیاتر له‌ 30 که‌س به‌شداری ئه‌م کۆبوونه‌وه‌یه‌ بوون که‌ له‌ کاتژمێر 13.00 یه‌کی پاش نیوه‌ڕۆوه‌ به‌رده‌وامبوو تا کاتژمێر 16.00

 

خۆپیشاندانێک دژی ڕژێمی ئێران

بۆ پشتگیریکردن له‌وزیندانیه‌کوردانه‌ی که‌ له‌ زیندانه‌کانی جمهوری ئیسلامی ئێران مانیان له‌ خواردن گرتوه‌، کورده‌کانی شاری یۆته‌بۆری خۆپیشاندانێکیان سازکرد له‌ڕۆژی شه‌ممه‌ ڕێکه‌وتی 17 ی سێپته‌مبه‌ری 2008.

 

 

 کۆڕێک به‌ بۆنه‌ی ده‌رچوونی کتێبی "سۆسیالدیموکراتی چیه‌؟" به‌ کوردی 


به‌ بۆنه‌ی ده‌رچوونی وه‌رگێڕانی کوردیی کتێبی "سۆسیال دیموکراتی چیه‌؟" ، كۆمه‌ڵه‌که‌مان به‌ هاوبه‌شی ABF  کۆڕێکی سازکرد له‌ ڕۆژی هه‌ینی ڕێکه‌وتی 12 ی سێپته‌مبه‌ری 2008، له‌ لۆکاڵی Folkets Hus ، نوسه‌رانی کتێبه‌که (‌ Ingvar Carlsson وه‌ Anne Marie Lindgren)، هه‌روه‌ها وه‌رگێڕ گۆران مه‌ریوانی به‌شداریان کرد.

خاتو Anna Johansson  سه‌رۆکی سۆسیال دیموکراته‌کان له‌ یۆته‌بۆری به‌خێرهاتنی نوسه‌ران و وه‌رگێڕی کرد وه‌ خۆشحاڵی خۆیی ده‌ربڕی به‌بۆنه‌ی وه‌رگێرانی ئه‌و کتێبه‌. نوسه‌ران  ‌ Ingvar Carlsson وه‌ Anne Marie Lindgrenده‌رباره‌ی ناوه‌ڕۆک و هه‌لومه‌رجی کتێبه‌که‌ دوان، هه‌روه‌ها ده‌رباره‌ی سۆسیال دیموکراتی مۆدێلی سکه‌ندیناڤی، به‌کورتی ڕه‌نگدانه‌وه‌ی پۆستی حیزبیان له‌ ناوه‌ڕۆکی کتێبه‌که‌دا.
گۆران مه‌ریوانی سه‌ره‌تا باسی له‌ په‌یوه‌ندیی له‌گه‌ڵ ئه‌ده‌بیاتی چه‌پڕه‌ویو هه‌ر له‌سه‌رده‌می هه‌رزه‌ییه‌وه‌، وه‌ک گه‌شتێکی ئیدیۆلۆژی به‌ تێڕوانینی جیاواز له‌سه‌رده‌می جیاوازدا له‌ کۆمۆنیزم، سۆسیالیزم، شۆڕش و ڕیفۆرم. گه‌شته‌که‌ی لایه‌نێکی ڕۆشنکرده‌وه‌ له‌ هۆی ئاماده‌بوونی له‌ وه‌رگێڕانی کتێبه‌که‌. هه‌روه‌ها هه‌ندێ له‌ سه‌ختیانی که‌ دێته‌ڕێ له‌ وه‌رگێرانی هه‌ندێ ئیدیۆم که‌ تایبه‌ته‌ به‌ کۆمه‌ڵی سویدی، ئابوری و بڕیاری سیاسی له‌ سویددا.

ئاماده‌بووان کۆمه‌ڵێک پرسیاریان ڕاسته‌وخۆ له‌ نوسه‌ران و وه‌رگێر کرد، که‌ وه‌ڵام درانه‌وه‌. له‌کۆتاییدا نوسه‌ره‌کان ئیمزای یادگاریان له‌سه‌ر کتێبه‌ کڕڕاوه‌کان کرد.‌ ئه‌م کۆڕه‌ له‌لایه‌ن به‌ڕێز ڕه‌زا تالبی Reza Talebi وه‌ به‌ڕێوه‌ بررا، که‌ هه‌ر خۆشی لێپرسراوی چاپ ه‌ بڵاوکردنه‌وه‌یه‌تی به‌ زمانی جیا. شایانی باسه‌ ئه‌م کتێبه‌ تا ئێستا وه‌رگێڕاوه‌ بۆ زمانی ئینگلیزی، ئیسپانی، عه‌ره‌بی، فارسی، ڕوسی وه‌ مه‌کدۆنی، وه‌ چاوه‌ڕوان ئه‌کرێت که‌ به‌ تورکی و سۆناڵیش به‌م زوانه‌ بڵاو ببێته‌وه‌.

 کۆرسی خوێندن بۆ ئه‌ندامان 24 و 25 ی ئایار  

کۆمیته‌ی کارگێڕی کۆمه‌ڵه‌که‌مان به‌هاوکاری به‌شی ناوچه‌ی یۆته‌بۆریی حیزب، وه‌ ڕێکخراوی ABF له‌ یۆته‌بۆری کۆرسێکی دووڕۆژه‌ی بۆئه‌ندامان رێکخست. کۆرسه‌که‌ له‌ رۆژانی شه‌ممه‌ و یه‌کشه‌ممه‌ ڕێکه‌وتی 24 و 25 ی مای له‌ لۆکاڵی Infoteket بڕێوه‌چوو، جه‌نده‌ها بابه‌تی به‌سودی گرته‌ خۆی. بابه‌ته‌کان هه‌ندێکیان به‌زمانی کوردی و هه‌ندێکیان به‌ زمانی سویدی به‌سکرا، وه‌ ئه‌م به‌ڕێزانه‌ پێشکه‌شیان کرد: سه‌لام ته‌یب، راسموس ئه‌نده‌رشۆن، تۆرد کارڵسۆن، دیاکۆ شه‌یخ ئاغایی، شادیه‌ حه‌یده‌ری، کرمانج عه‌سکه‌ری، شیلان مجید.

به‌رنامه‌ی کۆرسه‌که‌:

  ڕۆژی یه‌که‌م: شه‌ممه‌ ڕێکه‌وتی 24 ی مای
 بــابــه‌ت به‌رپرسیار به‌زمانی
 سه‌ره‌تــا، مه‌به‌ست له‌ کۆرسه‌که‌ سه‌لام کوردی
 ڕێبه‌رایه‌تی  Ledarskap Rasmus Andersson سویدی
 کارکردنی ناو ڕێکخراو Tord Carlsson سویدی
 کارکردن وه‌ک نماینده‌ی حیزب له‌ ئه‌نجومه‌نه‌کاندا شادیه‌، ئه‌بو، شیلان، ڕه‌زا، کرمانج کوردی
 گرنگیی چالاکبوون له‌ حیزبدا سه‌لام کوردی
 ئه‌نجومه‌نی شاره‌وانی، پرۆسه‌ی ده‌نگدان دیاکۆ کوردی
 هه‌یکه‌لی (ستروکتوری) حیزب هیوا کوردی
 ڕۆژی دووه‌م: یه‌کشه‌ممه‌ ڕێکه‌وتی 25 ی مای
 ته‌کنیکی کۆبوونه‌وه‌ کامیل کوردی
 کاری کۆمیته‌ی کارگێڕ (به‌ڕێوه‌به‌رایه‌تی) کامیل کوردی
 کێشه‌ و چاره‌سه‌رکردنی دیاکۆ کوردی
 سه‌رنج و هه‌ڵسه‌نگاندنی کۆرسه‌که‌

  کۆبونه‌وه‌ی ئه‌ندامان 18 ئایار 2008


وه‌ک  ساڵانی پێشوو، کۆبوونه‌وه‌ی ئه‌ندامانی به‌هاره‌ی کۆمه‌ڵه‌که‌مان ، وه‌ک سه‌یرانێک له‌ به‌هاردا ڕێک ئه‌خرێت بۆ خێزانی ئه‌ندامان. ئه‌مساڵیش، له‌ ڕۆژی یه‌کشه‌ممه‌ ڕێکه‌وتی 18 ئایار کۆمئته‌ی کارگێڕ سه‌یرانێکی به‌هاره‌ی ڕێکخست له‌ نزیک ده‌ریاچه‌ی Mölnesjön ، تیایدا جگه‌ له‌ کۆبوونه‌وه‌ی ئاسایی، سیرانێکی دڵگیربوو که‌ جێگه‌ی خۆشحاڵیو ه‌زامه‌ندی ئه‌ندامان و خێزانه‌کانیان بوو. له‌م کۆبوونه‌وه‌یه‌دا به‌ڕێز کلاس ڤێننبێری، نوێنه‌ری یه‌که‌می ناوچه‌ی یۆته‌بۆریی حیزب به‌شداربوو، که‌ له‌ڕاپۆرتێکدا باسی له‌ سه‌ردانێکی کوردستانی کرد که‌ له‌ کۆتایی مانگی مای، شاندێکی سۆسیال دیموکراتی سویدی پێی هه‌ڵده‌ستێت، هه‌روه‌ها باسی کرد که‌ کلاس خۆیشی یه‌کێک ئه‌بێت له‌ئه‌ندامانی ئه‌و شانده‌.

 خۆپیشاندنه‌کانی 1 ئایار‌  2008


بژماره‌یه‌کی زۆر له‌ کورده‌کانی شاری یۆته‌بۆری و ده‌وروبه‌ر به‌شداری خۆپیشاندنه‌کانی 1 ئایاری سۆسیال دیموکراته‌کان و سه‌ندیاکانییان کرد. ئه‌مه‌ش به‌ کارێکی هاوبه‌شی کۆمیته‌ی کۆمه‌ڵه‌ کوردیه‌کان ئه‌نجامدرا. کورده‌کان له‌ژێر ئاڵای کوردستان و پلاکاته‌کانی خۆیاندا به‌شداریان کرد. خۆپیشاندانه‌که‌ به‌ وتارێکی سه‌رۆکی پارتی سۆسیال دیموکرات به‌رێز خاتو مۆنا سالین کۆتاییهات.

 جه‌ژنی نه‌ورۆز و سه‌ردانی به‌ڕێز عه‌دنان موفتی‌


به‌ڕێز عه‌دنان موفتی، سه‌رۆکی پارله‌مانی کوردستان بانگهێشتنی کۆمیته‌ی هاوکاریی هێزه‌ سیاسیه‌کان و کۆمه‌ڵه‌ کوردیه‌کانی په‌سه‌ند کردو له‌ ڕۆژه‌کانی جه‌ژنی نه‌ورۆزدا بووه‌ میوانی شاره‌که‌مان. پارتی سۆسیال دیموکراتی سویدیش که‌ له‌پشت ئه‌م بانگهێشتنه‌وه‌ بوو، پێشوازی گه‌رمایان له‌ به‌ڕێزیان کرد. به‌ڕێز عه‌دنان موفتی جگه‌ به‌شداربوونی له‌ چه‌ندان کۆڕو کۆبوونه‌وه‌ی جیا که‌ تیایدا وتاری پێشکه‌شکردووه‌و وه‌ڵامی پرسیاریی جیاوازی داوه‌ته‌وه‌، شه‌ره‌فی کردنه‌وه‌ی نه‌ورۆزی 2008 ی شاره‌که‌مانی گرته‌ ده‌ست. ئاهه‌نگی نه‌ورۆز له‌م شاره‌دا به‌ شێوه‌یه‌کی گه‌وره‌و به‌ به‌شداریی تێکڕای کۆمه‌ڵه‌و هێزه‌سیاسیه‌کان ئه‌کرێت. ئا‌هه‌نگی ئه‌مساڵمان  له‌ڕۆژی شه‌ممه‌ ڕێکه‌وتی 22 ی مارس سازکرا، که‌ تیایادا زیاتر له‌ 1200 که‌س باشداریکرد. چه‌نده‌ها هونه‌رمه‌ند به‌شداریکرد وه‌ک شێرکۆ شاد، نیاز شه‌یدا، ئه‌یاد حسین، دونیا هه‌ورامی و فه‌ریبورز که‌ره‌می. هه‌روه‌ها چه‌نده‌هاا نمایشی سه‌ماو وتاری جیای تیا خوێنرایه‌وه‌. سه‌رۆکی ناوچه‌ی یۆته‌بۆریی پارت سۆسیال دیموکراتیش به‌شداریکرد


 ڕۆژی هـــه‌ڵــــه‌بـــجـــه

به‌ مه‌به‌ستی یادکردنه‌وه‌ی ساڵڕۆژی کاره‌ساتی کیمیابارانی هه‌ڵه‌بجه‌، کۆمیته‌ی هاوکاریی کۆمه‌ڵه‌کوردیه‌کانی شاری یۆته‌بۆری، له‌ ڕۆژی شه‌ممه‌ ڕێکه‌وتی 15 ی مارس، کۆڕێک ساز ئه‌کات.
بڕگه‌کانی کۆڕه‌که‌ بریتی ئه‌بێت له‌ وتار و، شیعر خوێندنه‌وه‌ که‌ شاعیران‌، به‌رزان هه‌ستیار، شوان حه‌مه‌شه‌ریف، ئه‌حمه‌د بازگر و ڕه‌زا حه‌مه به‌شداری ئه‌که‌ن. هه‌روه‌ها نمایشی شانۆگه‌ری بۆ ئه‌م بۆنه‌یه‌. شایانی باسه‌ ئه‌مساڵ 20 ساڵ تێپه‌ڕ ئه‌بێت به‌سه‌ر ئه‌م به‌سه‌رهاته‌دا.

ڕۆژی شه‌ممه‌ ڕێکه‌وتی 15 ی مارس
کاتژمێر 15 تــا 18
Fokets Hus Hammarkullen

 

 

 ڕۆژی جیهانی ژن 8 مارس 2008

کۆمیه‌تی هاوکاریی کۆمه‌ڵه‌کوردیه‌کانی شاری یۆته‌بۆری، ئا‌هه‌نگێکی ساز کرد به‌ بۆنه‌ی ڕۆژی جیهانی ژنه‌وه‌. ئاهه‌نگه‌که‌ ڕۆژی هه‌ینی ڕێکه‌وتی 7 ی مارس له‌ هۆڵی خانه‌ی کولتوری عێراقی گێڕدرا. دوای‌ خوێننه‌وه‌ی وتار له‌لایه‌ن کۆمه‌ڵه‌ی ژنانه‌وه‌، ئاهه‌نگی مۆسیقاو گۆرانیو هه‌ڵپه‌ڕکێ و هه‌ندێ بڕگه‌ی تریش له‌ به‌رنامه‌که‌دا هه‌بوو. ئاهه‌نگه‌که‌ تا نیوه‌شه‌وی خایاند که‌ جێگه‌ی ڕه‌زامه‌ندی باشداران بوو.

 کۆنگره‌ی ساڵانه‌ی کۆمه‌ڵه‌که‌مان 2008


.کۆمه‌ڵه‌ی سۆسیال دیموکراتی کوردی له‌ یۆته‌بۆری، ڕۆژی شه‌ممه‌ ڕێکه‌وتی 16 ی شوباتی 2008، کۆنگره‌ی ئاسایی خۆی ساز کرد له‌ لۆکاڵی ناوه‌ندی کولتورو خوێندنی کوردی، له‌ ئانگرێد. 24 ئه‌ندام ئاماده‌ی کۆنگره‌که‌ بوون. هاوڕێیان گۆران مه‌ریوانی و شادیه‌ حه‌یده‌ری هه‌ڵبژێردران بۆ دیوانی کۆنگره‌که‌. خاتوو نـالین پێـکـگول  میوانی کۆنگرره‌که‌ بوو که‌ سه‌رۆکی ڕێکخراوی ژنانی سۆسیال دیموکراته‌و، پارله‌مه‌نتار‌و ئه‌ندامی سه‌رکردایه‌تیی حیزبه‌. هاوڕێ نالین وتارێکی ده‌رباره‌ی وه‌زعی حیزب و سوێدو مه‌سه‌له‌ی کورد به‌ زمانی کوردی پێشکه‌ش کرد، که‌ جێی خۆشحاڵی ئاماده‌بووان بوو.
 

کۆبوونه‌وه‌ی ئه‌ندامان ئۆکتۆبه‌ر 2007

له‌ ڕۆژی چوارشه‌ممه‌ ڕێکه‌وتی 17 ی ئۆکتۆبه‌ری 2007، کۆبونه‌وه‌یه‌کی ئه‌ندامان سازکرا،له‌ لۆکاڵی ناوه‌ندی کولتورو خوێندنی کوردی له‌ ئه‌نگرێد. له‌م کۆبونه‌وه‌یه‌ 26 ئه‌ندام ئاماده‌ بوون، که‌ تیایدا تاوتوێی چلاکیه‌کانی ڕبوردوو داهاتووی کۆمه‌ڵه‌ کرا، هه‌روه‌ها ڕاپۆرتی دارایی کۆمه‌ڵه‌ له‌لایه‌ن کۆمیته‌ی کارگێڕه‌وه‌ پێشکه‌شکرا. میوانی کۆبونه‌وه‌که‌ بریتی بوو له‌ به‌ڕێز خاتو یه‌ننا یوهانسۆن، سه‌رۆکی سۆسیال دیموکراته‌کان له‌ یۆته‌بۆری. بابه‌ته‌که‌ی بریتی بوو له‌ مه‌سه‌له‌ی ڕاسیزمو حیزبه‌ ڕاسیسته‌کان له‌ سوید. کۆمه‌ڵێک پرسیا له‌لایه‌ن ئه‌ندامانه‌وه‌ له‌ ئاننا کرا ده‌رباره‌ی بابه‌ته‌که‌و، مه‌سه‌له‌ی تریش. شایانی باسه‌ کۆبونه‌وه‌که‌ له‌ کاتژمێر شه‌شی پاش نیوه‌ڕۆوه‌ ده‌ستیپێکردو تا کاتژمێر نۆی شه‌و به‌ده‌وام بوو
 

سه‌یران و کۆبوونه‌وه‌ی ئه‌ندامان 2 ی حوزه‌یرانی 2007

له‌سه‌ر پێشناری کۆمیته‌ی کارگێر سه‌یرانێک بۆ ئه‌ندامان ساز کرا له‌ ڕۆژی شه‌ممه‌ ڕێکه‌وتی 2 ی حوزه‌یران. هاوکات له‌ سه‌یرانه‌که‌دا کۆبوونه‌وه‌ی ئه‌ندامان سازکرا. سه‌یرانه‌که‌ له‌ له‌ ناوچه‌ی سروشتی جوانی ئه‌نگرێد بوو که‌ تیایدا ئه‌ندامان خێزانه‌کانیان  داوه‌تی خواردن و خاوردنه‌وه‌ی کۆمه‌ڵه‌بوون. شایانی باسه‌ که‌له‌ کۆبوونه‌وه‌که‌دا زۆرخاڵی گرینگ باس کرا وه‌ به‌ڕێز (نیلس ئێریک لیندبلوم) ئه‌ندامی کۆمه‌ڵه‌ی سۆسیال دیموکراتی هێرلانداو ئه‌ندامی لێژنه‌ی هه‌مان گه‌ڕه‌ک، وه‌ چالاک له‌ سه‌ندیکادا به‌شداری کۆبوونه‌وه‌کی کرد. کۆبوونه‌وه‌که‌ جێی خۆشحاڵیی هه‌موو ئه‌ندامانی ئاماده‌بوو بوون.

 

نامه‌ی کۆمه‌ڵه‌ بۆ گروپی په‌رله‌مانتاری سۆسیال سیموکرات سه‌باره‌ت به‌ ئه‌نفال

دوابه‌دوای ئه‌و زانیاریه‌ی که‌ ڕێکخراوی چاک بڵاوی کرده‌وه‌ که‌ په‌رله‌مانتاره‌ سۆسیال دیموکراته‌کان ئاماده‌ نین ئه‌نفال به‌جینۆساید بناسن، له‌لایه‌ن کۆمیته‌ی کارگێڕی کۆمه‌ڵه‌که‌مانه‌وه‌ نامه‌یه‌ک ئاڕاسته‌ی به‌شی ئینته‌رناسیونالی گروپی په‌رله‌مانتارانی حیزب کرا بۆ وه‌ داوای ڕوونکردنه‌وه‌ کرا له‌و بابه‌ته‌. به‌ڕێز ڵارش یوهانشۆن به‌رپرسی ئینته‌رناسیونال ده‌ستوبرد وه‌ڵامی نامه‌که‌مانی دایه‌وه‌، تیایدا ڕوونی کردۆته‌وه‌ که‌ هیچ نامه‌یه‌کی وایان پێنه‌گه‌یشتوه‌، له‌هه‌مان کاتدا دیدی خۆی له‌وباره‌یه‌وه‌ نوسیوه‌ که‌ ئاماده‌یه‌ بۆ هه‌موو یارمه‌تیه‌ک. شایانی باسه‌ لارش خۆی دۆستێکی نزیکی کورده‌، وه‌ له‌زۆرکاتدا کاری کردوه‌ بۆ دۆزی کوردی به‌ شێوه‌یه‌کی چالاک

کۆرسی تایبه‌ت بۆ ئه‌ندامانی کۆمه‌ڵه‌که‌مان (2006)


به‌هاوکاری له‌گه‌ڵ به‌شی ناوچه‌ی یۆته‌بۆریی سۆسیال دیموکرات، کۆرسێک کرایه‌وه‌‌ بۆ ئه‌ندامانی کۆمه‌ڵه‌که‌مان. کۆرسه‌که‌ دوو ڕۆژی شه‌ممه‌ و یه‌کشه‌ممه‌ ڕێکه‌وتی 29 و 30 ی ئه‌پریل. کۆرسه‌که‌ پێشنیاری ئه‌ندامان بوو بۆ پته‌وکردن و زیادکردنی زانیاریمان ده‌رباره‌ ئایدۆلۆژیی حیزب و گۆش کردنی ئاندامی چالاک.  16 ئه‌ندام به‌شداری له‌ کۆرسه‌که‌دا بوو که‌بابه‌ته‌کانی کۆرسه‌که‌ جێی ڕه‌زامه‌ندییان بوو.

 

شه‌ممه‌ 29ی ئه‌پریل 2006

زمان

 

بــابــه‌ت

 

کـــات

ـ

 

ناونسین ـ قاوه‌و چایی خواردنه‌وه‌

 

09.30 - 10.00

کـوردی

 

سه‌ره‌تا و مه‌به‌ستی کۆرسه‌که‌

 

10.00 - 10.10

کـوردی

 

ته‌کنیکی کۆبونه‌وه‌و کاری کۆمیته‌کان

 

10.10 - 12.00

ـ

 

نانی نیوه‌ڕۆ

 

12.00 - 13.00

ـ

       

کـوردی

 

ته‌کنیکی خۆناساندن

 

13.00 - 14.00

ـ

 

پشوو ـ قاوه‌و چایی خواردنه‌وه

 

14.00 - 14.30

کـوردی

 

ئه‌رکی نوێنه‌رایه‌تی له‌ شاره‌ونی و پارێزگادا

 

14.30 - 15.10

کـوردی

 

گرنگیی چالاک بوون و ڕۆلی ئه‌ندام

 

15.20 - 16.00

سویــدی

 

ستروکتوری حیزب

 

16.10 - 16.50

سویــدی

 

هه‌ڵمه‌تی هه‌ڵبژاردن

 

17.00 - 17.50

         

ـ

 

نانــی ئێواره‌

 

18.00 -

یه‌کشــه‌مــمــه‌ 30 ی ئـه‌پـریـل 2006

ـ

 

قاوه‌و چایی خواردنه‌وه

 

9.00 - 9.30

کـوردی

 

په‌ێڕه‌وو پڕۆگرامی حـیزب

 

09.30 - 10.30

کـوردی

 

مێووی سۆسیال دیموکراتی سویدی

 

10.40 - 11.30

سویــدی

 

ستروکتوری شاره‌وانی و پرۆسه‌ی بڕیاردان له‌ ئه‌نجومه‌ندا

 

11.40 - 12.30

ـ

 

کــۆتــایــی ـ نانی نیوه‌ڕۆ

 

12.30

 
 

Webbansvarig: Kamil